30 September 2020

News Flash

‘मायावती दलित समाजातील कर्तृत्ववान महिला’; आठवलेंकडून महिला भाजपा आमदाराचा निषेध

जर आमच्या पक्षातील कोणी असे वक्तव्य केले असते. तर आम्ही निश्चितपणे कारवाई केली असती, असेही त्यांनी म्हटले.

रामदास आठवले (संग्रहित छायाचित्र)

बसपा प्रमुख मायावती यांच्याबाबत आक्षेपार्ह वक्तव्य करणाऱ्या भाजपा आमदार साधना सिंह यांचा केंद्रीय राज्यमंत्री रामदास आठवले यांनी निषेध केला आहे. आमचा पक्ष भाजपाबरोबर आहे. पण मायावतींविरोधातील अपमानजनक वक्तव्यांशी आम्ही सहमत नाही. त्या आमच्या दलित समाजाच्या एक कर्तृत्ववान महिला असून त्या चांगल्या प्रशासक असल्याचे त्यांनी म्हटले.

इतक्यावरच आठवले थांबले नाहीत. ते म्हणाले, जर आमच्या पक्षातील कोणी असे वक्तव्य केले असते. तर आम्ही निश्चितपणे कारवाई केली असती, असेही त्यांनी म्हटले.

चंदोलीमधील मुगलसराय मतदारसंघातील आमदार असलेल्या साधना सिंह परनपुरा गावातील किसान कुंभ अभियानात सहभागी झाल्या होत्या त्यावेळी त्यांनी मायावतींवर ही टीका केली. त्या म्हणाल्या, ”उत्तरप्रदेशच्या माजी मुख्यमंत्री स्त्री आणि पुरुष दोन्हीही नाहीत. जेव्हा द्रौपदीचे वस्रहरण झाले तेव्हा महाभारत घडले. मात्र सपाने मायावतींचे वस्रहरण केले. पण त्यानंतरही सत्तेच्या मोहापायी त्यांनी सपासोबत आघाडी करून महिलांच्या प्रतिष्ठेला काळीमा फासला आहे.”

दरम्यान, भाजपाच्या महिला आमदारांनी केलेल्या या टीकेविरोधात बसपाने संतप्त प्रतिक्रिया दिली आहे. भाजपाच्या नेत्यांचे मानसिक संतुलन ढळले आहे, असा टोला हसपा नेते सतीशचंद्र मिश्रा यांनी लगावला आहे. भाजपा नेत्यांनी मायावतींविरोधात ज्या भाषेचा वापर केला आहे. तो त्यांची पातळी दाखवतो. सपा-बसपा आघाडी झाल्यानंतर भाजपा नेत्यांचे मानसिक संतुलन ढळले आहे, असे मिश्रा म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 20, 2019 9:06 pm

Web Title: union minister ramdas athawale on bjp mla sadhna singh statement bsp chief mayawati
Next Stories
1 जगातील सर्वात वृद्ध पुरूषाचा मृत्यू
2 वर्षातील पहिले चंद्रग्रहण २१ जानेवारी रोजी
3 कर्नाटक: रिसॉर्टमध्ये दोन काँग्रेस आमदारांमध्ये हाणामारी
Just Now!
X