News Flash

नवाझ शरीफ यांना अमेरिकेचा पाठिंबा

पाकिस्तानचे पंतप्रधान नवाझ शरीफ हे लोकशाही मार्गाने निवडून आलेले नेते आहेत त्यामुळे तेथे घटनाबाह्य़ पद्धतीने लोकशाही हाणून पाडण्याचा प्रयत्न केल्यास तो आम्ही सहन करणार नाही

| September 6, 2014 03:15 am

पाकिस्तानचे पंतप्रधान नवाझ शरीफ हे लोकशाही मार्गाने निवडून आलेले नेते आहेत त्यामुळे तेथे घटनाबाह्य़ पद्धतीने लोकशाही हाणून पाडण्याचा प्रयत्न केल्यास तो आम्ही सहन करणार नाही असे अमेरिकेने म्हटले आहे.
अमेरिकेचा अजूनही शरीफ यांना पाठिंबा आहे काय व इमरान खान व इतर निदर्शकांना आपला संदेश काय असे विचारले असता परराष्ट्र विभागाच्या प्रवक्तया मारी हार्फ यांनी सांगितले की, आमचा शरीफ यांना पाठिंबा आहे. ते लोकशाही मार्गाने निवडून आलेले नेते आहेत.
आम्ही हे वारंवार स्पष्टही केले आहे. पाकिस्तानातील निदर्शनांवर आमचे बारकाईने लक्ष आहे. सर्व पक्षांनी एकत्र बसून मतभेद मिटवावेत असे आम्हाला वाटते. घटनाबाह्य़ पद्धतीने नेतृत्वात बदल करण्याचा प्रयत्न केल्यास ते सहन केले जाणार नाही. पाकिस्तानमधील स्थितीवर आमचे लक्ष आहे.
२०१३ च्या निवडणुकीत गैरप्रकार झाल्याचा आरोप पाकिस्तान तेहरिक ए इन्साफचे नेते इमरान खान यांनी केला आहे त्यावर हार्फ यांनी सांगितले की, नवाझ शरीफ हे पाकिस्तानातील निर्वाचित नेते आहेत. पाकिस्तानात १९९९ मध्ये लष्करप्रमुख जनरल परवेझ मुशर्रफ यांनी बंड करून शरीफ यांच्या हातातून सत्ता हिसकावली होती. आताच्या पेचप्रसंगात सरकार व निदर्शक यांच्यात लष्कराची भूमिका बरीचशी तटस्थ राहिली आहे. या वेळीही शरीफ विरोधकांनी त्यांना पायउतार होण्यासाठी मोठा दबाव आणला होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 6, 2014 3:15 am

Web Title: us backs nawaz sharif
टॅग : Nawaz Sharif,Us
Next Stories
1 ‘जिहादी युद्धात एक हजार युरोपियन सामील’
2 जम्मू-काश्मीरमध्ये पूराचे तांडव, बचावकार्यादरम्यान नऊ जवान गेले वाहून
3 राष्ट्रध्वजाचा अवमान केल्यावरून मल्लिका शेरावतविरुद्ध गुन्हा
Just Now!
X