भारतीय जनता पक्षाच्या कर्नाटकातील आमदाराने आपण केंद्रीय गृहमंत्री असतो तर बुद्धिजीवींना गोळ्या घालण्याचा आदेश दिला असता असं वक्तव्य करत नवा वाद निर्माण केला आहे. बसनगौडा पाटील यतनाल असं या आमदाराचं नाव आहे. बसनगौडा पाटील हे विजयपुरा मतदारसंघातील आमदर आहेत. यावेळी बोलताना त्यांनी बुद्धिजीवी आणि उदारमतवादी देशविरोधी असल्याचंही म्हटलं आहे. 'बुद्धिजीवी या देशात राहतात, आपण ज्यासाठी कर भरतो त्या सर्व सुविधांचा लाभ घेतात. यानंतर आपल्या लष्कराविरोधात घोषणा देतात. आपल्या देशाला यांच्यापासून सर्वात जास्त धोका आहे. जर मी केंद्रीय गृहमंत्री असतो तर यांना गोळ्या घालण्याचा आदेश दिला असता', असं बसनगौडा पाटील यतनाल बोलले आहेत. Intellectuals live in this country&use all facilities for which we pay tax.Then they raise slogans against our Army.India faces grave danger from them.If I was Home Min,I would have issued orders to shoot them:Basanagouda Patil Yatna,Karnataka BJP Leader in Vijayapura (26/7/2018) pic.twitter.com/kxxGUKdSvC — ANI (@ANI) July 27, 2018 बसनगौडा पाटील यतनाल याआधीही एकदा वादात अडकले होते जेव्हा त्यांनी स्थानिक पक्ष कार्यकर्त्यांना मुस्लिमांना मदत न करण्यास सांगितलं होतं.