21 January 2018

News Flash

यशवंत सिन्हा देशद्रोही: केंद्रीय मंत्री बाबूल सुप्रियो

यशवंत सिन्हाजी हे काय करत आहात तुम्ही ?, असा सवाल त्यांनी केला.

नवी दिल्ली | Updated: October 13, 2017 12:49 PM

केंद्रीय राज्यमंत्री बाबुल सुप्रियो यांनी सिन्हा यांच्यावर टीकास्त्र डागले आहे.

देशाच्या जीडीपीत झालेली घसरण, बिघडती अर्थव्यवस्था यावरून केंद्रातील मोदी सरकारवर निशाणा साधणारे माजी अर्थमंत्री यशवंत सिन्हांवर अजूनही भाजपकडून टीका केली जात आहे. या वेळी केंद्रीय राज्यमंत्री बाबूल सुप्रियो यांनी सिन्हा यांच्यावर टीकास्त्र डागले आहे. काश्मीरमधील फुटीरतावादी नेत्यांची भेट घेतल्यावरून सिन्हा यांच्यावर तोंडसुख घेणाऱ्या सुप्रियो यांनी सिन्हा हे देशद्रोही असल्याचा आरोप केला आहे. सुप्रियो यांनी एक ट्विट केले असून ते (यशवंत सिन्हा) हे एका देशद्रोहीसारखे आहेत. काश्मीरमधील फुटीरतावादी नेत्यांना भेटण्याशिवाय त्यांच्याकडे कोणते काम नाही, असे म्हटले आहे.

यापूर्वी केलेल्या एका ट्विटमध्ये त्यांनी यशवंत सिन्हाजी हे काय करत आहात तुम्ही ? त्यांच्याकडे भाजपला देण्यास काहीही नाही पण आमच्यासारख्या नव्या पिढीकडे प्रत्येक आरोपाचे उत्तर देण्यासाठी संपूर्ण अधिकार आहेत. आमचं नुकसान का करत आहात?, असा सवाल त्यांनी उपस्थित केला. नेटिझन्सनीही सुप्रियो यांना उत्तर देत त्यांच्या वक्तव्याला विरोध केल्याचे दिसले. यशवंत सिन्हांना बोलण्याइतपत तुमची पात्रता आहे का बाबूल. तुम्ही तर पुढच्या वेळी संसदेत याल की नाही हेही सांगता येणार नाही. याचवेळी चुकून आलात, असे म्हणत एक युजरने टोला लगावला.

गायक असलेल्या बाबूल सुप्रियोंना भाजपने राजकारणात आणले होते. लोकसभा निवडणुकीत ते भाजपच्या तिकिटावर पश्चिम बंगालमधून निवडून आले. खासदार होताच त्यांना केंद्रात मंत्रिपदाची संधी देण्यात आली. सुप्रियोंनी अनेक हिंदी चित्रपटात पार्श्वगायन केले आहे.

दरम्यान, यशवंत सिन्हा यांनी पक्षाचे अध्यक्ष अमित शहा यांच्या मुलाचा केंद्रीय मंत्र्यांनी बचाव केल्याचा निषेध करत त्यावर टीका केली होती. पक्षाने आपला उच्च नैतिक आधार गमावला असल्याचे त्यांनी म्हटले होते. ‘द वायर’ वर १०० कोटींच्या मानहानीचा दावा दाखल करण्यावर आक्षेप नोंदवला. माध्यमांचा आवाज दाबण्याचा प्रयत्न केला जात असल्याचे त्यांनी म्हटले होते.

First Published on October 13, 2017 12:49 pm

Web Title: yashwant sinha is traitor says union minister babul supriyo
  1. V
    vivek
    Oct 13, 2017 at 3:46 pm
    क्या बात है. काय टीका केली! वा
    Reply
    1. S
      Sakharam Gatane
      Oct 13, 2017 at 3:42 pm
      बाबुल सुप्रियो ... गायकी चे दुकान बंद झाले का? मोदीं विरोधात बोलायचा अधिकार प्रत्येकाला आहे ... आणि बोलणारा जर यशवंत सिंह सारखा अनुभवी माणूस असेल तर तुझ्या सारख्या काळ च्या बाळ ने आपला थोबाड बंद च ठेवावं ... मोदीं आणि शहा फक्त गुजराती बनिये आहेत ... मोदी स्वतः च हे जाहीर सभेत काबुल करतात ... ते कुणी महापुरुष नाहीयेत.. एक हाती सत्ता आल्यामुळे पक्षाच्या पदरात जितका पाडता येईल तेवढा ओरबाडत आहेत... कशाला हवेत प्रत्येक जिल्यात पक्ष ची कार्यालये ...हे सर्व आताच कसा सुचला... आपल्या देशात एखाद्याला चढवला तर इतका चढवतात कि त्याला आपण स्वतः देश पेक्षा मोठे वाटायला लागतो... याला जबाबदार आपण च आहोत... यशवंत सिन्हा बोलत आहेत ते हवेत बोलत नाहीत ... त्यांच्या कडे अनुभव आहे... एखादा माणूस चांगला बोलतो म्हणजे तो महा पुरुष बनत नाही ... त्याला योग्य वेळी विरोध हा झाला च पाहिजे... शेवटी हे सगळे आपल्या साठी आहेत ...जनतेचे सेवक च... पंत प्रधान सुद्धा... खरा तर सामान्य जनतेला च सर्वोच्च स्त्थान असला पाहिजे लोक शाहीत ... पंत प्रधान आणि एका पक्ष्या च्या प्रमुखाला नाही...त्यांना विरोध हा कधीच देश द्रोह नाही
      Reply
      1. N
        Neelima
        Oct 13, 2017 at 3:16 pm
        Barobarach aahe, jo apno ka nahi ho saka wo desh ka kya hoga, apni personal problem solve nahi huyi isliye ab apni hi paty ke khilaf bolne lage hai
        Reply
        1. V
          Vitthal dandekar
          Oct 13, 2017 at 2:44 pm
          Yashwant Sinha is very old now. His brain working as per his age. Main thing is that he did not get ministry..
          Reply
          1. M
            Mangesh Wasnik
            Oct 13, 2017 at 2:44 pm
            बाळा, तुला त्यांचे कार्य माहीत नाही. जी काही अघोषित आणीबाणी सुरु आहे त्याबद्दल स्वतःच्या पक्षातील एखादा अनुभवी नेता जर यावर आक्षेप घेत असेल तर ते सुधारा. भाजप आणि मोदी यांच्या विरोधात जे कोणीही बोलतील त्या प्रत्येकाला जर तुम्ही देशद्रोही म्हणाल तर काही दिवसांनी तुमचेच अस्तित्व नाहीशे होईल. जनतेने विश्वासाने दिलेली हि सत्ता योग्य कार्यासाठी वापरा.शक्य झाले तर जी पूर्ण करू शकता अशीच आश्वासने देत जा.
            Reply
            1. A
              Aakash
              Oct 13, 2017 at 2:31 pm
              सरकार च्या विरोधात टीका करणे म्हणजे देशद्रोह नसतो हे केव्हा सुप्रियो सारख्या भक्तांना समजेल? देव जाणो.
              Reply
              1. N
                nishant
                Oct 13, 2017 at 1:59 pm
                बाभूळ सुप्रियो तुझे जेव्हढे वय आहे आहे तेव्हढे सिंह साहेबांचे अर्थशास्त्रातले आणि सरकार मधील करिअर आहे. स्वतःची औकात विसरू नकोस...पुन्हा रियाज चालू कर.
                Reply
                1. P
                  pritam lade
                  Oct 13, 2017 at 1:50 pm
                  भाजप सत्तेत आल्यापासून नवीन नियम लागू. भाजप विरुद्ध बोलणे देशद्रोह! नमो नमो!
                  Reply
                  1. V
                    vinayak
                    Oct 13, 2017 at 1:17 pm
                    बाबुल सुप्रियो यांची गाणी कुणी ऐकिली आहेत का ? नाही ,मग त्यांचे मत तर तरी लोकांनी का विचारात घ्यावे
                    Reply
                    1. Load More Comments