News Flash

योगगुरु रामदेव आणि आयएमए वादात आता अभिनेता अक्षय कुमारची एँट्री!

योगगुरु रामदेव यांनी शेअर केला अभिनेता अक्षय कुमारचा व्हिडिओ

Photo: Instagram/akshaykumar

योगगुरु रामदेव यांनी अ‍ॅलोपॅथी आणि आयुर्वेद वाद सुरु असताना अभिनेता अक्षय कुमार याचा एक व्हिडिओ शेअर केला आहे. या व्हिडिओत अभिनेता अक्षय कुमारनं अ‍ॅलोपॅथीवर भाष्य करणं टाळलं असली तरी आयुर्वेदाची स्तुती केली आहे. नेमका हाच व्हिडिओ योगगुरु रामदेव यांनी शेअर करत अ‍ॅलोपॅथीवर निशाणा साधला आहे.

‘आपण आपल्या शरीराचे ब्रँड अँबेसेडर व्हा. साधं आणि निरोगी आयुष्य जगा. आमच्या भारतातील योग आणि आयुर्वेदात किती शक्ती आहे हे जगाला दाखवून देऊ. ही शक्ती इंग्रजांच्या केमिकल इंजेक्शनमध्ये नाही’, असं कॅप्शन योगगुरु रामदेव यांनी दिलं आहे. यापूर्वी योगगुरु रामदेव यांनी आमिर खानच्या सत्यमेव जयते या कार्यक्रमाचा एक व्हिडिओ शेअर करत अ‍ॅलोपॅथीवर निशाणा साधला होता.

योगगुरु रामदेव यांनी शेअर केलेल्या व्हिडिओत अभिनेता अक्षय कुमार आयुर्वेदावर बोलताना दिसत आहे. ‘माझ्या बाबतीत खूप कमी लोकांना माहिती आहे. मी मागच्या २५ वर्षांपासून आयुर्वेद फॉलो करत आहे. निसर्गाने आपल्याला खूप मोठा आयुर्वेदीक खजाना दिला आहे. मात्र आम्हाला त्याची कदर नाही. आपण इंग्रजांची औषधं खातो आणि स्टेरॉयड इंजेक्शन घेतो. आपण त्यांची उपचार पद्धती फॉलो करतो आणि ते लोकं आयुर्वेदात उपचार शोधत आहेत’, असं अक्षय कुमार त्या व्हिडिओत बोलत आहे.

“माझी लढाई अ‍ॅलोपॅथी आणि डॉक्टरांविरोधात नाही, तर…”; योगगुरु रामदेव यांनी मांडली बाजू

योगगुरु रामदेव यांचा एक व्हिडिओ व्हायरल झाला होता. त्यात त्यांनी अ‍ॅलोपॅथीवर निशाणा साधला होता. त्यानंतर आयएमए आणि योगगुरु रामदेव यांच्यात वाद वाढत गेला. त्यानंतर केंद्रीय आरोग्यमंत्र्यांनी त्यांना विधान मागे घेण्यास सांगितलं होतं. त्यांनी विधान मागेही घेतलं. मात्र पुन्हा २५ प्रश्न विचारत आयएमएला आव्हान दिलं. गेल्या काही दिवसांपासून योगगुरु रामदेव आणि आयएमए यांच्यात सुरु असलेला वाद संपण्याचं नाव घेत नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 31, 2021 9:55 pm

Web Title: yogguru ramdev share video of akshay kumar and says power of ayurved rmt 84
Next Stories
1 “माझी लढाई अ‍ॅलोपॅथी आणि डॉक्टरांविरोधात नाही, तर…”; योगगुरु रामदेव यांनी मांडली बाजू
2 करोनाच्या दुसऱ्या लाटेमुळे अर्थव्यवस्थेला धक्का; जीडीपीत ७.३ टक्क्यांची घसरण
3 तृणमूलच्या खासदार महुआ मोईत्रांनी उडवली मोदी-शाहांची खिल्ली; ट्विट केलं कार्टून
Just Now!
X