ओडिशा आणि छत्तीसगड पोलिसांच्या संयुक्त कारवाईत १२ संशयित माओवादी ठार; शस्त्रे आणि दारुगोळा जप्त

14 suspected Maoists killed during joint operation by Odisha and Chhattisgarh police

उदांती सीतानदी व्याघ्र प्रकल्पात सोमवारी चकमक झाली (फोटो - Express Photo/ Partha Paul)

ओडिशाच्या सीमेजवळ छत्तीसगढच्या गरिआबंद जिल्ह्यात व्याघ्र प्रकल्पात सोमवारी सुरू झालेल्या सुरक्षा दलांसोबत झालेल्या गोळीबारात १२ संशयित माओवादी ठार झाले आहेत. इंडियन एक्स्प्रेसने यासंदर्भातील वृत्त दिलं आहे.

कालच (२० जानेवारी )सोनाबेडा-धरमबंध समितीच्या दोन कथित महिला डाव्या विचारसरणीच्या अतिरेक्यांना गरीबीबंद जिल्हा पोलीस, केंद्रीय राखीव पोलीस दल (CRPF), कमांडो बटालियन फॉर रिझोल्युट ऍक्शन (CoBRA) आणि ओडिशाच्या स्पेशल ऑपरेशनने गोळ्या घालून ठार केले होते. त्यानंतर आज १४ संशयित माओवाद्यांना ठार करण्यात आलं आहे.हा गट (SOG) नक्षलविरोधी कारवायांसाठी प्रशिक्षित होता. या चकमकीत कोब्राचा एक जवानही किरकोळ जखमी झाला.

सोनाबेडा-धरमबंध समितीकडून सुरक्षा दलांना माओवाद्यांच्या हालचालीची माहिती मिळाल्यानंतर १९ जानेवारी रोजी संयुक्त कारवाई सुरू झाली. गारियाबंद मुख्यालयापासून सुमारे ६० ते ७० किमी अंतरावर आणि ओडिशा सीमेपासून सुमारे २० किमी अंतरावर असलेल्या उदांती सीतानदी व्याघ्र प्रकल्पात सोमवारी सकाळी ८ वाजता चकमक झाली. “१० हून अधिक माओवादी मारले गेले आहेत. शोध मोहीम सुरू आहे आणि सैन्याने त्यांची शोध मोहीम पूर्ण केल्यानंतर आणि परत आल्यानंतर अधिक माहिती दिली जाऊ शकते”, छत्तीसगडच्या एका वरिष्ठ पोलिस अधिकाऱ्याने इंडियन एक्सप्रेसला सांगितले.

हेही वाचा

शेवटी मृत्यूने गाठलेच! महिलेचा आत्महत्येचा प्रयत्न, पण रुग्णवाहिकेतील ‘या’ चुकीमुळे गेला जीव

ओडिशा पोलिसांनी सांगितले की माओवाद्यांच्या मृतांची संख्या अधिक असू शकते आणि सुरक्षा दलांनी मोठ्या प्रमाणात शस्त्रे आणि दारूगोळा जप्त केला आहे. “पोलिसांकडून परिसरात मोठ्या प्रमाणावर शोधमोहीम सुरू आहे आणि माओवाद्यांविरुद्ध संयुक्त कारवाई सुरूच राहील”, असे ओडिशाच्या वरिष्ठ पोलिस अधिकाऱ्याने सांगितले.

आतापर्यंत ३६ माओवादी ठार

या मृत्यूमुळे छत्तीसगडमधील चकमकीत मारल्या गेलेल्या माओवाद्यांची संख्या यावर्षी ३६ वर पोहोचली आहे. राज्यात माओवाद्यांनी सुरक्षा दलाचे नऊ जवान आणि एका नागरिकही हत्या केली आहे. ३ जानेवारी रोजी झालेल्या चकमकीत माओवादी ठार झाल्यानंतर या वर्षातील गरीबीबंद जिल्ह्यातील ही दुसरी चकमक आहे.

This quiz is AI-generated and for edutainment purposes only.

ओडिशा पोलिसांनी सांगितले की, २०२५ मध्ये ओडिशा, छत्तीसगड आणि केंद्रीय सशस्त्र पोलीस दलाच्या सुरक्षा दलांमधील संयुक्त आंतरराज्यीय कारवाईत आतापर्यंत १५ माओवादी ठार झाले आहेत. डाव्या विचारसरणीच्या अतिरेकी कारवाया काही भागांपुरत्या मर्यादित केल्या गेल्या आहेत आणि ओडिशात हिंसाचाराच्या घटना कमी केल्या गेल्या आहेत. ओडिशा पोलिसांनी सांगितले की ते माओवाद्यांचा धोका संपवण्यासाठी संयुक्त ऑपरेशन्स आणि गुप्तचर माहिती सामायिक करण्यावर भर देत आहेत.

Web Title: 14 suspected maoists killed during joint operation by odisha and chhattisgarh police sgk