दिल्लीतील मुनिरका भागात शनिवारी जमिनदाराच्या मुलाने एका १४ वर्षीय मुलीवर बलात्कार केल्याची माहिती पोलिसांनी दिली आहे. विकी नावाच्या या आरोपीला अटक झाली असून, दिल्लीतील वसंत विहार पोलीस ठाण्यात बालकांसाठीच्या लैंगिक गुन्हे प्रतिबंधक कायद्यातंर्गत त्याच्याविरुद्ध गुन्हा दाखल करण्यात आला आहे. याप्रकरणातील पिडीत मुलगी शुक्रवारी रात्री खरेदीसाठी बाहेर पडली असता घराजवळच असणा-या रूग्णालयाच्या परिसरातील एका खोलीत नेऊन आरोपीने तिच्यावर बलात्कार केल्याची माहिती पोलिसांनी दिली. सदर घटनेनंतर पिडीत तरुणीवर सफदरगंज रुग्णालयात उपचार सुरू असून, तिचे वैद्यकीय परीक्षण करण्यात आले आहे.