६ वर्षाची मुलगी बनली AIIMS ची सर्वात लहान ऑर्गन डोनर; वाचवले पाच जणांचे प्राण

६ वर्षीय रोली प्रजापती नवी दिल्लीच्या ऑल इंडिया इन्स्टिट्यूट ऑफ मेडिकल सायन्सेसची सर्वात तरुण अवयव दाता बनली आहे.

AIIMS Youngest Organ Donor, Youngest Organ Donor delhi, Roli Prajapati Youngest Organ Donor
या लहान मुलीला वाचवण्याचे अनेक प्रयत्न अयशस्वी झाल्यानंतर डॉक्टरांनी तिला ब्रेन डेड घोषित केले. (Photo : ANI)

Youngest Organ Donor : नोएडातील ६ वर्षीय रोली प्रजापती हिची अज्ञात हल्लेखोरांनी गोळ्या झाडून हत्या केली होती, त्यानंतर तिच्या पालकांनी आपल्या मुलीचे अवयव दान करून पाच जणांना नवजीवन दिले आहे. यासह रोली नवी दिल्लीच्या ऑल इंडिया इन्स्टिट्यूट ऑफ मेडिकल सायन्सेसची सर्वात तरुण अवयव दाता बनली आहे.

रोलीच्या डोक्यात गोळी लागल्याने तिला रुग्णालयात नेण्यात आले, तेथे गंभीर दुखापतीमुळे ती कोमात गेली. यानंतर रोलीला दिल्लीच्या एम्समध्ये पाठवण्यात आले. या लहान मुलीला वाचवण्याचे अनेक प्रयत्न अयशस्वी झाल्यानंतर डॉक्टरांनी तिला ब्रेन डेड घोषित केले. एम्सचे वरिष्ठ न्यूरो सर्जन डॉ. दीपक गुप्ता म्हणाले, “रोली या साडेसहा वर्षाच्या चिमुरडीला २७ एप्रिल रोजी रुग्णालयात आणण्यात आले. तिला गोळी लागली आणि ती गोळी तिच्या मेंदूला लागली. मेंदूला पूर्ण नुकसान झाले होते. ती हॉस्पिटलमध्ये जवळजवळ ब्रेन डेड अवस्थेतच आली होती. म्हणून आम्ही घरच्यांशी बोललो.”

रात्री १० नंतर रेल्वेमध्ये चुकूनही करू नका ‘ही’ कामं; अन्यथा होऊ शकते कारवाई

ते म्हणाले, “रोलीचे ब्रेन डेड झाल्यानंतर, आमच्या डॉक्टरांच्या टीमने पालकांसोबत बसून अवयव दानाबद्दल चर्चा केली. आम्ही पालकांचे समुपदेशन केले आणि विचारले की ते इतर मुलांचे प्राण वाचवण्यासाठी अवयव दान करू शकतात का?” अवयव दान करून पाच जीव वाचवल्याबद्दल एम्सच्या डॉक्टरांनी रोलीच्या पालकांचे कौतुक केले आहे. रोलीचे यकृत, मूत्रपिंड, कॉर्निया आणि हृदयाच्या दोन्ही झडपा दान करण्यात आल्या. या अवयवदानामुळे रोली दिल्लीच्या एम्सच्या इतिहासातील सर्वात तरुण दाता बनली आहे.

Health Tips : नोकरी करणाऱ्या महिलांनी ‘या’ गोष्टी नक्कीच लक्षात ठेवाव्या

डॉ.गुप्ता म्हणाले, “अवयवदानाबद्दल फारशी माहिती नसतानाही हे पाऊल उचलल्याबद्दल आम्ही रोलीच्या पालकांचे आभारी आहोत. त्यांना इतरांचा जीव वाचवण्याचे महत्त्व समजले.”

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: 6 year old girl roli prajapati becomes aiims youngest organ donor five lives were saved pvp

Next Story
“महाराष्ट्राला मध्य प्रदेशच्या आधी ओबीसी आरक्षण मिळू शकलं असतं, कारण…”, फडणवीसांचा मविआ सरकारवर हल्लाबोल
ताज्या बातम्या
फोटो गॅलरी