महिलेसह तिच्या दोन लहान मुलींवर पाकिस्तानमध्ये अ‍ॅसिड हल्ला

शेजाऱ्याशी झालेल्या पैशाच्या वादातून पाकिस्तानमधील पंजाब प्रांतात एका महिलेसह तिच्या दोन लहान मुलींवर झोपेत असताना दोन व्यक्तींनी त्यांच्यावर अ‍ॅसिड फेकले. या हल्ल्यात तिघी गंभीर जखमी झाल्या आहेत. याप्रकरणी पोलीसांनी दहशतवादविरोधी कायद्याअंतर्गत गुन्हा दाखल केला आहे. तसेच हल्ला करणाऱ्या एका व्यक्तीला अटक केल्याचा दावा पोलीसांनी केला आहे.

शेजाऱ्याशी झालेल्या पैशाच्या वादातून पाकिस्तानमधील पंजाब प्रांतात एका महिलेसह तिच्या दोन लहान मुलींवर झोपेत असताना दोन व्यक्तींनी त्यांच्यावर अ‍ॅसिड फेकले. या हल्ल्यात तिघी गंभीर जखमी झाल्या आहेत. याप्रकरणी पोलीसांनी दहशतवादविरोधी कायद्याअंतर्गत गुन्हा दाखल केला आहे. तसेच हल्ला करणाऱ्या एका व्यक्तीला अटक केल्याचा दावा पोलीसांनी केला आहे.
मुल्तान जिल्ह्य़ातील नौरंगाबाद गावातील अझिज माई तिच्या तानिया (४) आणि सानिया (२) या मुलींबरोबर आपल्या घरात झोपल्या असताना मंगळवारी सकाळी ही घटना घडली. काही दिवसांपुर्वी अझिज माई आणि तिचा शेजारी अल्ताफ बलूच यांच्यात पैशावरून वाद झाला होता. त्या वादातून हा हल्ला करण्यात आला. यात गंभीर जखमी झालेल्या तिघांना जवळच्या रुग्णालयात दाखल करण्यात आले आहे. त्यांची प्रकृती चिंताजनक असल्याचे त्यांच्यावर उपचार करणाऱ्या डॉक्टरांनी सांगितले. या प्रकरणाची प्रभारी मुख्यमंत्री नजम सेठी यांनी गंभीर दखल घेतली असून पोलीसांना कारवाईचे आदेश दिले आहेत. दरम्यान अल्ताफ बलुचलाचा साथीदार मुहम्मद नावेद याला अटक केल्याचा दावा पोलीसांनी केला असून बलूचा कसून शोध घेण्यात येत असल्याचे सांगितले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Acid attack on woman daughters in pakistan

ताज्या बातम्या