तेल अविव, दोहा : इस्रायलने रविवारी ‘अल जझीरा’ उपग्रह वृत्तवाहिनीची स्थानिक कार्यालये बंद करण्याचा आदेश दिला. ‘अल जझीरा’ आणि इस्रायलमधील बिन्यामिन नेतान्याहू सरकारदरम्यान दीर्घकाळ तणाव होता. त्या पार्श्वभूमीवर आधी नेतान्याहू सरकारच्या मंत्रिमंडळाने ‘अल जझीरा’चे स्थानिक कार्यालय बंद करण्याचा निर्णय घेतला. त्यानंतर वाहिनीच्या कार्यालयावर छापा टाकून तिथे तपासणी करण्यात आली. त्यानंतर कार्यालय बंद करण्यात आले. वृत्तवाहिनीचे कामकाज बंद करण्याचा निर्णय घेतल्यानंतर इस्रायली अधिकाऱ्यांनी जेरुसलेम येथील हॉटेलमध्ये थाटलेल्या ‘अल जझीरा’च्या कार्यालयात छापा टाकल्याचे इस्रायल आणि ‘रॉयटर्स’च्या सूत्रांनी सांगितले. सरकारच्या निर्णयामुळे इस्रायलचा ‘अल जझीरा’विरुद्ध दीर्घकाळ चाललेला संघर्ष आणखी वाढण्याची शक्यता आहे.

हेही वाचा >>> ‘टेप रेकॉर्डरसारखे काम करू नका’; सर्वोच्च न्यायालयाचे न्यायालयांवर ताशेरे, सरकारी वकिलांबाबतही मांडली ‘ही’ भूमिका

lokmanas
लोकमानस: बेचिराख प्रांत पूर्वपदावर कसे आणणार?
Benjamin Netanyahu dissolve Israel war Cabinet Benny Gantz Israeli Palestinian conflict Gaza war
नेतान्याहू यांनी आणीबाणी सरकार का विसर्जित केले? गाझा पट्टीतील युद्धावर काय परिणाम होईल?
Dharavi, rehabilitation,
धारावीकरांच्या पुनर्वसनाला कुर्ल्यातून विरोध, ‘डीआरपीपीए’ला जागा देण्याचा शासन निर्णय त्वरित रद्द करण्याची स्थानिकांची मागणी
Disbanded Israel War Cabinet The decision follows MP Benny Gantz exit from the government
इस्रायलचे युद्ध मंत्रिमंडळ बरखास्त; खासदार बेनी गँट्झ सरकारमधून बाहेर पडल्यानंतर निर्णय
Suspected terrorist killed in Russian prison operation by security forces
रशियाच्या तुरुंगात ओलीसनाट्य; सुरक्षा दलांच्या कारवाईत संशयित दहशतवादी ठार
Clarify stand on Jitendra Awhads plea to consolidate all offences High Court orders govt
श्रीरामाबाबत केलेले वादग्रस्त वक्तव्य : सर्व गुन्हे एकत्र करणाच्या आव्हाडांच्या याचिकेवर भूमिका स्पष्ट करा, उच्च न्यायालयाचे सरकारला आदेश
Manipur chief minister
मणिपूरच्या मुख्यमंत्र्यांच्या ताफ्यावर हल्ला; एक सुरक्षा रक्षक जखमी
Chinas minister of national defence admiral dong jun
“तैवानला चीनपासून वेगळे करणाऱ्याचा आत्मनाश होईल”, चीनच्या संरक्षणमंत्र्यांचा थेट इशारा

इस्रायलचे ‘अल जझीरा’शी फार पूर्वीपासून कठोर संबंध असून, त्यांच्याविरुद्ध पक्षपाताचा आरोप केला आहे. ‘अल जझीरा’ हे युद्धादरम्यान गाझामध्ये राहिलेल्या काही आंतरराष्ट्रीय माध्यम संस्थांपैकी एक असून, येथील हवाई हल्ले आणि रुग्णालयांमधील रक्तरंजित दृश्यांचे त्यांनी प्रसारण केले आहे. तसेच इस्त्राईलवर नरसंहार केल्याचा आरोपही केला आहे. दरम्यान, इस्रायलने ‘अल जझीरा’वर पॅलेस्टाईनची कट्टरवादी संघटना ‘हमास’शी सहकार्य केल्याचा आरोप केला आहे. राष्ट्रीय सुरक्षेला धोका असल्याचे कारण देत इस्रायलने गाझामधील युद्ध सुरू असेपर्यंत ‘अल जझीरा’चे प्रसारण बंद करण्याचा निर्णय घेतला आहे. परंतु हा निर्णय म्हणजे गुन्हेगारी कृत्य असून, इस्रायली सुरक्षेला धोका असल्याचा केलेला दावा धोकादायक आणि तितकाच हास्यास्पद होता, अशी प्रतिक्रिया ‘अल जझीरा’कडून व्यक्त करण्यात आली आहे. सरकारच्या निर्णयानंतर इस्रायली टीव्ही वाहिन्यांनी ‘अल जझीरा’चे प्रसारण थांबवले.