Anti-Hijab Protest: ...अन् बहिणीने भावाच्या कबरीवरच केस कापले, व्हिडीओ व्हायरल | Anti Hijab Sister cuts Hair On Grave of brother who killed in protest in Iran sgy 87 | Loksatta

Anti-Hijab Protest: बहिणीने भावाच्या कबरीवरच केस कापले अन् त्यानंतर…, पाहा काय घडलं, व्हिडीओ प्रचंड व्हायरल

हिजाबविरोधी आंदोलनात भावाचा मृत्यू, बहिणीने कबरीवरच केस कापून व्यक्त केला संताप

Anti-Hijab Protest: बहिणीने भावाच्या कबरीवरच केस कापले अन् त्यानंतर…, पाहा काय घडलं, व्हिडीओ प्रचंड व्हायरल
इराणमध्ये हिजाबविरोधी आंदोलनाने उग्र रुप घेतलं आहे

इराणमध्ये हिजाबविरोधी आंदोलनाने उग्र रुप घेतलं आहे. आंदोलनात आतापर्यंत ४१ जणांचा मृत्यू झाला असून, ७०० जणांना अटक करण्यात आली आहे. यादरम्यान, आंदोलनात मृत्यू झालेल्या जावेद नावाच्या एका व्यक्तीच्या अंत्यसंस्कारातील व्हिडीओ सध्या सोशल मीडियावर व्हायरल झाला आहे. या व्हिडीओत जावेदची बहिण त्याच्या कबरीवरच केस कापत निषेध व्यक्त करत असल्याचं दिसत आहे.

इराणमध्ये पोलीस कोठडीत तरुणीचा संशयास्पद मृत्यू झाल्यानंतर मोठ्या प्रमाणात हिंसाचार सुरु आहे. राजधानी तेहरानसह देशाच्या अनेक भागांत अद्याप दंगली होत असून जमावाला नियंत्रणात ठेवण्यासाठी पोलिसांना बळाचा वापर करावा लागत आहे.

आंदोलनाचं नेमकं कारण काय?

माशा अमिनी या तरुणीचा पोलीस कोठडीत संशयास्पद मृत्यू झाला होता. पोलिसांनी केलेल्या मारहाणीत तिचा मृत्यू झाल्याचे वृत्त सोशल मीडियाच्या माध्यमातून देशभरात पसरलं. यानंतर अत्याचाराविरोधात सगळीकडे निदर्शनं सुरू झाली. महिलांना आंदोलन करत सक्तीचे असलेले डोक्यावरचे स्कार्फ महिलांनी भिरकावून दिले आहेत.

इराणमध्ये हिंसेचा उद्रेक ; तरुणीच्या संशयास्पद मृत्यूनंतर देशभर संताप; नऊ ठार

व्हिडीओत नेमकं काय?

या व्हिडीओमध्ये महिला रडत असून शोक व्यक्त करताना दिसत आहेत. दुसरीकडे, एक महिला आपले केस कापत असल्याचं दिसत आहे. ही महिला मृत व्यक्तीची बहिण असल्याचं बोललं जात आहे. केस कापल्यानंतर ती कबरीवर ठेवून देते.

इराणच्या पत्रकार आणि सामाजिक कार्यकर्त्या मसिह यांनी सांगितल्यानुसार, महिला केस कापून आपला संताप आणि शोक व्यक्त करत आहेत.

नेमकं काय घडलं?

माशा अमिनी २२ वर्षीय तरुणीला तेहरानच्या ‘मोरल पोलिसां’नी अटक केली होती. हिजाब व्यवस्थित घातला नसल्याचा आरोप तिच्यावर करण्यात आला होता. कोठडीत असतानाच तिचा मृत्यू झाला. हृदयविकाराच्या झटक्याने मृत्यू झाल्याचा दावा पोलिसांनी केला. मात्र माशाला हृदयरोग नसल्याचं तिच्या कुटुंबीयांनी स्पष्ट केलं. पोलिसांनी केलेल्या मारहाणीत तिचा मृत्यू झाल्याचा आरोप आहे. याविरोधात इराणी जनता पेटून उठली आहे.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
जेवणासाठी आधार कार्ड दाखवा; वधूपित्याची वराच्या पाहुण्यांकडे अचंबित करणारी मागणी

संबंधित बातम्या

‘I Have Got News’, श्रद्धाचं शेवटचं चॅट आलं समोर, मृत्यूच्या काही तास आधीच मित्राला पाठवला होता मेसेज
“एवढं वाटतं तर केंद्राकडे फाईल पाठवूच नका, तुमचं तुम्हीच…”, न्यायाधीश नियुक्तीवरून केंद्रीय मंत्री आक्रमक; ‘कॉलेजियम’वर टीकास्र!
मित्र असावा तर असा! चक्क सिंहिणीच्या जबड्यातून केली मित्राची सुटका, थक्क करणारा Viral Video पाहिलात का?
“तुम्हाला भाडेकरू हवाय की जावई?” बंगळुरूमध्ये घरमालकांचे अजब निकष, नेटिझन्समध्ये तुफान चर्चा!
Video: डोक्यावर पदर, लेहेंगा आणि ते…; ‘या’ दोन महिलांच्या तुफान बुलेटस्वारीवर नेटकरीही फिदा

व्हिडिओ

ताज्या बातम्या
FIFA World Cup 2022: राष्ट्रगीतासाठी शीख मुलासोबत दिसला ब्राझीलचा कर्णधार नेमार; पाहा व्हिडिओ
पुणे :कोथरुड, दत्तवाडी भागात अमली पदार्थांची विक्री; साडेचार लाखांचे अमली पदार्थजप्त, तिघे अटकेत
रिचा चड्ढाच्या ‘Galwan says hi!’ ट्वीटवर प्रतिक्रिया देताच अक्षय कुमार ट्रोल, अमित मिश्राचा अभिनेत्याला पाठिंबा, म्हणाला, “माफी मागायला…”
सुषमा अंधारे यांचे मोठे विधान! शिंदे गटात अनेकजण नाराज असल्याचे म्हणत थेट नेत्यांची घेतली नावे, म्हणाल्या “लवकरच…”
“…तर आयुष्यभर उद्धव ठाकरेंचे पाय चेपू, त्यांनी फक्त…”, आमदार संजय गायकवाड यांचं जाहीर आव्हान!