जम्मू-काश्मीरमधील अवंतीपोरा पोलिसांना आज हिजबुल मुजाहिद्दीन या दहशतवादी संघटनेशी निगडीत असलेल्या तीन जणांना अटक करण्यात यश आले आहे. येथील त्राल भागात दहशतवाद्यांना आश्रय देणे, शस्त्र पुरवणे व अन्य प्रकारची मदत करण्यात यांचा सहभाग आहे.

दरम्यान आज जम्मू-काश्मीरमधील शोपियन जिल्ह्यातील खाजपूरा रिबन भागामध्ये सुरक्षा दलाचे जवान आणि दहशतवाद्यांमध्ये चकमक झाली. या मध्ये जवानांनी दोन दहशतवाद्यांचा खात्मा केला आहे.

या अगोदर मागील महिन्यात जम्मू-काश्मीरमध्ये राबवण्यात आलेल्या शोधमोहीमेत जवानांना हिजबुलच्या एका दहशतवाद्यास पकडण्यात यश आलं होतं. विशेष, म्हणजे यावेळी मोठ्याप्रमाणावर शस्त्रसाठा देखील जप्त करण्यात आला होता.