कर्नाटक चामराजनगरचे भाजपा खासदार व्ही श्रीनिवास प्रसाद यांचं रविवारी मध्यरात्री बंगळुरुतील एका खासगी रुग्णालयात निधन झाले. वयाच्या ७६ व्या वर्षी त्यांनी अखेरचा श्वा घेतला. गेल्या चार दिवसांपासून ते आयसीयूमध्ये दाखल होते. माजी केंद्रीय मंत्री आणि विद्यमान खासदार व्ही श्रीनिवास प्रसाद अनेक आजारांनी ग्रस्त होते. २२ एप्रिल रोजी त्यांना बंगळुरूतील मणिपाल रुग्णालयात दाखल करण्यात आलं होतं. मल्टी ऑर्गन फेल्युअरमुळे त्यांचं निधन झालं. अंत्यदर्शनासाठी त्यांचं पार्थिव मैसुरू येथील जयलक्ष्मीपुरम आवास येथे आणलं जाईल. कोण आहेत व्ही. श्रीनिवास प्रसाद? व्ही. श्रीनिवास प्रसाद यांनी १९७६ मध्ये जनता पक्षातून आपली राजकीय कारकीर्द सुरू केली. पुढे १९७९ मध्ये त्यांनी काँग्रेसमध्ये प्रवेश केला. इतकेच नाही तर ते काही काळ जेडीएस, जेडीयू आणि समता पक्षाचे सदस्यही होते. नंतर त्यांनी भाजपमध्ये प्रवेशही केला. श्रीनिवास यांनी केंद्र सरकारपासून राज्यापर्यंत अनेक महत्त्वाची पदे दीर्घकाळ भूषवली. https://twitter.com/BSYBJP/status/1784762439256739947?ref_src=twsrc%5Etfw%7Ctwcamp%5Etweetembed%7Ctwterm%5E1784762439256739947%7Ctwgr%5E4ff053fc36f610c7892b6e457e72f245b7bff4cd%7Ctwcon%5Es1_&ref_url=https%3A%2F%2Fwww.freepressjournal.in%2Findia%2Flive-breaking-news-updates-truck-rams-onto-parked-on-chhattisgarh-highway-10-dead १९९९ ते २००४ दरम्यान अटलबिहारी वाजपेयी यांच्या नेतृत्वाखालील सरकारमध्ये त्यांनी केंद्रीय राज्यमंत्रीपद भूषवले. नंतर, काँग्रेसमध्ये प्रवेश केल्यानंतर ते २०१३ मध्ये आमदार झाले आणि सिद्धरामय्या सरकारमध्ये मंत्री झाले. २०१६ मध्ये त्यांनी कर्नाटक विधानसभेचा राजीनामा दिला आणि नंतर भाजपमध्ये प्रवेश केला. २०१७ च्या पोटनिवडणुकीत, त्यांनी भाजपच्या तिकिटावर नंजनगुडमधून निवडणूक लढवली होती, परंतु नंतर २०१९ मध्ये पक्षाने श्रीनिवास यांना चामराजनगरमधून लोकसभा निवडणूक लढवायला लावली, जिथून ते विजयी झाले. परंतु, त्यांनी नुकतीच राजकारणात संन्यास घेत असल्याची घोषणाही केली होती.
