‘द्रमुक-भाजप आघाडी अशक्य’

तामिळनाडूत द्रमुकशी आघाडीची शक्यता भाजपने फेटाळून लावली आहे. निवडणुकीच्या तारखा जाहीर होण्यापूर्वी आघाडीबाबत निर्णय जाहीर केला जाईल, असे प्रदेशाध्यक्षा टी. सुंदरराजन यांनी स्पष्ट केले.
रेल्वे अंदाजपत्रकात तामिळनाडूला प्राधान्य द्यावे, अशी विनंती सुरेश प्रभू यांना केल्याचे त्यांनी सांगितले. भाजप नेते सुब्रमण्यम स्वामी यांनी डीएमके-डीएमडीके व भाजपची आघाडी व्हावी, अशी भूमिका घेतली होती. त्यावर सुंदरराजन यांनी अशा आघाडीची शक्यता फेटाळली.