नवी दिल्ली : दिल्ली विधानसभेच्या निवडणुकीसाठी भाजपने शुक्रवारी आपल्या ५७ उमेदवारांची पहिली यादी जाहीर केली. विद्यमान आमदार विजेंद्र गुप्ता आणि रवींद्र गुप्ता व योगेंद्र चंडोलिया या दोघा माजी महापौरांना उमेदवारी देण्यात आली आहे. या निवडणुकीसाठी ८ फेब्रुवारी रोजी मतदान होणार आहे. दिल्ली भाजपचे प्रमुख मनोज तिवारी यांनी उमेदवारांची यादी जाहीर केली, त्यामध्ये आपचे माजी आमदार कपिल मिश्रा आणि अन्य १५ उमेदवारांचा समावेश आहे. मुख्यमंत्री अरविंद केजरीवाल यांच्याविरुद्धच्या उमेदवाराचे नाव भाजपने जाहीर केलेले नाही.
