येमेनमधील स्फोटात तीन पोलीस ठार

साना येथे शनिवारी एका तपासणी नाक्यावर प्लास्टिक बॅगेत ठेवलेल्या बॉम्बचा स्फोट होऊन त्यामध्ये तीन पोलीस ठार झाले, तर एक जण जखमी झाला, असे सुरक्षा अधिकाऱ्यांनी सांगितले.
पोलीस तपासणी नाक्याजवळच प्लास्टिकच्या पिशवीत बॉम्ब दडवून ठेवण्यात आला होता. तपासणीसाठी पोलिसांनी पिशवी उघडताच रिमोटच्या साहाय्याने त्या बॉम्बचा स्फोट घडविण्यात आला. त्यामध्ये दोन पोलीस जागीच ठार झाले आणि दोन गंभीर जखमी झाले. त्यापैकी एकाचे हॉस्पिटलमध्ये निधन झाले. या घटनेनंतर स्थानिक परिसराची नाकेबंदी करून पोलिसांनी बंदोबस्तात वाढ केली.