मध्य प्रदेशात बस पुलावरून कोसळली, भीषण अपघातात १५ प्रवाशांचा मृत्यू | bus falls off bridge at Khargone in Madhy pradesh 15 passenger died

मध्य प्रदेशच्या खरगोनमध्ये बस पुलावरून कोसळल्याने भीषण अपघात झाला आहे.

मध्य प्रदेशातील खरगोनमध्ये बस पुलावरून कोसळली ( फोटो सौजन्य - एएनआय वृत्तसंस्था)

मध्य प्रदेशच्या खरगोनमध्ये बस पुलावरून कोसळल्याने भीषण अपघात झाला आहे. या अपघातात १५ प्रवाशांचा मृत्यू, तर २५ जण जखमी झाल्याची प्राथमिक माहिती आहे. जखमींना जवळच्या स्थानिक रुग्णालयात दाखल करण्यात आले आहे. आज सकाळच्या सुमारास ही घटना घडली.

हेही वाचा – एफएटीएफ पुनरावलोकनामुळे ईडी संचालकांना मुदतवाढ, केंद्राची सर्वोच्च न्यायालयात भूमिका

मिळालेल्या माहितीनुसार, ही बस सेगाववरून इंदौरच्या दिशेने जात होती. यावेळी बसमधून ४० प्रवाशी प्रवास करत होते. दरम्यान, खरगोनमधील दसंगा गावाजवळील पुलावर ही बस पोहोचताच चालकाचे बसवरील नियंत्रण सुटल्याने ही बस पुलाच्या कठड्यावर जाऊन आदळली. मात्र, कठडा तुटल्याने ही बस खाली कोसळली.

This quiz is AI-generated and for edutainment purposes only.

Madhya Pradesh government announces immediate financial assistance of Rs 4 lakhs each to the families of the deceased, Rs 50,000 each to the seriously injured and Rs 25,000 each to those who received minor injuries in Khargone bus accident.
— ANI (@ANI) May 9, 2023

दरम्यान, पोलीस प्रशासन आणि अग्निशमन दलाचे कर्मचारी घटनास्थळी दाखल झाले असून बचावकार्य सुरू असल्याची माहिती खरगोनचे पोलीस अधीक्षक धरमवीर सिंग यांनी दिली. तसेच मृतकांच्या कुटुंबियांना चार लाख रुपये, गंभीर जमखींना ५० हजार रुपये तर किरकोळ जखमींना २५ हजार रुपयांची आर्थिक मदत देण्याची घोषणा मध्यप्रदेश सरकारकडून करण्यात आली आहे.

First published on: 09-05-2023 at 11:06 IST

Web Title: Bus falls off bridge at khargone in madhy pradesh 15 passenger died spb

MP Bus Accident : मध्य प्रदेशात बस पुलावरून कोसळली, भीषण अपघातात १५ प्रवाशांचा मृत्यू

मध्य प्रदेशच्या खरगोनमध्ये बस पुलावरून कोसळल्याने भीषण अपघात झाला आहे.