scorecardresearch

Premium

धीरज साहूंच्या घरात नोटांचा पर्वत, खासदाराच्या ‘दौलती’बाबत काँग्रेसची पहिली प्रतिक्रिया, अडचणी वाढल्या

प्राप्तीकर विभागाने काँग्रेसचे राज्यसभा खासदार धीरज साहू यांच्याशी संबंधित झारखंड, ओडिसा आणि पश्चिम बंगाल राज्यातील १० ठिकाणांवर कारवाई केली आहे.

Congress Dhiraj Sahu
धीरज साहू २०२० मध्ये काँग्रेसच्या तिकीटावर राज्यसभेवर गेले होते. (PC : PTI)

काँग्रेसचे राज्यसभेतले खासदार धीरज साहू यांच्या घर आणि कंपनीच्या कार्यालयावर प्राप्तीकर विभागाने धाडी टाकून मोठ्या प्रमाणात बेहिशेबी संपत्ती जप्त केली आहे. साहू यांच्याशी संबंधित झारखंड, ओडिशामधील ठिकाणांवर धाडी टाकून प्राप्तीकर विभागाने ही मालमत्ता जप्त केली आहे. त्यांच्या कार्यालयातील कपाटात ठासून भरलेले नोटांचे बंडल पाहून प्राप्तीकर विभागाचे अधिकारीदेखील चक्रावून गेले असतील. धीरज साहू यांनी ५००, २०० आणि १०० रुपयांच्या नोटांचे असंख्य बंडल कपाटांमध्ये ठासून भरले होते. या छापेमारीत आतापर्यंत ३०० कोटी रुपयांहून अधिक रोकड प्राप्तीकर विभागाच्या हाती लागली आहे.

प्राप्तीकर विभागातील अधिकाऱ्यांच्या हवाल्याने आज तकने वृत्त प्रसिद्ध केलं आहे की, ३०० कोटींहून अधिक रक्कम मोजता मोजता पैसे मोजणाऱ्या मशीनही खराब झाल्या. त्यानंतर हैदराबाद आणि भुवनेश्वर येथून पैसे मोजणारी मोठी मशीन मागवण्यात आली. बुधवारी (६ डिसेंबर) १५० कोटी रुपये मोजल्यानंतर पैसे मोजणाऱ्या मशीन बंद पडल्या होत्या. त्यामुळे प्राप्तीकर विभागाचं काम थांबलं होतं. जे गुरुवारी पूर्ण केलं. पैसे मोजण्यासाठी प्राप्तीकर विभागाने तीन डझन छोट्या मशीनही मगवल्या होत्या. तसेच २० हून अधिक कर्मचारी केवळ पैसे मोजण्याचं काम करत होते.

AAP and Congress will fight together
आप आणि काँग्रेस दिल्लीत भाजपाविरोधात एकत्र लढणार, पण गुजरात, आसाम अन् गोव्याचे काय?
SP-Congress alliance
इंडिया आघाडीसाठी यूपी बूस्टर ठरणार, प्रियंका गांधींनी अखिलेश यांना केला फोन अन् सपा-काँग्रेसची आघाडी निश्चित
Ashok Chavan leave Congress party
अशोक चव्हाण यांची काँग्रेसला सोडचिठ्ठी; आता त्यांच्यावरील तीन खटल्यांचं काय होणार?
acharya pramod krushnan
काँग्रेसचे आचार्य प्रमोद कृष्णम भाजपाच्या वाटेवर?

दरम्यान, धीरज साहू यांच्याकडे सापडलेल्या या संपत्तीवरून भारतीय जनता पार्टी थेट काँग्रेसला लक्ष्य करत आहे. पंतप्रधान नरेंद्र मोदी यांनीदेखील या कारवाईची माहिती समाजमाध्यमांवर जाहीर करत काँग्रेसवर टीका केली. “देशातील नागरिकांनी या नोटांच्या ढिगाऱ्याकडं पाहावं, त्यानंतर त्यांच्या (काँग्रेसच्या) इमानदार नेत्यांची भाषणं ऐकावित, जनतेकडून लुटलेल्या प्रत्येक पैशाचा हिशेब यांना द्यावा लागेल. ही मोदीची गॅरंटी आहे”, अशी एक पोस्ट मोदी यांनी मायक्रोब्लॉगिंग प्लॅटफॉर्म एक्सवर केली आहे.

हे ही वाचा >> “मोहोब्बतच्या दुकानामागे गरिबांना लुटणारे…”, काँग्रेस खासदारावरील प्राप्तीकर विभागाच्या धाडींवरून भाजपाचा टोला

दरम्यान, धीरज साहू यांच्याकडे सापडलेल्या या संपत्तीबाबत काँग्रेसकडून कोणत्याही नेत्याने भाष्य केलं नव्हतं. अशातच काँग्रेसचे सचिव आणि खासदार जयराम रमेश यांनी यावर प्रतिक्रिया दिली आहे. जयराम रमेश यांनी एक्सवर एक पोस्ट केली आहे. यात त्यांनी म्हटलं आहे की, खासदार धीरज साहू यांच्या व्यवसायाशी भारतीय राष्ट्रीय काँग्रेसचा काहीही संबंध नाही. या संपत्तीबाबत फक्त साहूच सांगू शकतात. तसेच प्राप्तीकर विभागाच्या अधिकाऱ्यांना त्यांच्या घर-कार्यालयात सापडलेल्या रोख रकमेबाबत साहू यांनीच सर्व काही स्पष्ट केलं पाहिजे.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Congress makes distance from mp dhiraj sahu amid cash haul in tax raid jairam ramesh reacts asc

First published on: 09-12-2023 at 22:30 IST

संबंधित बातम्या

तुम्ही या बातम्या वाचल्या आहेत का? ×