Covid update corona patients found in india hrc 97 | Covid19: गेल्या २४ तासांत आठ महिन्यातील सर्वाधिक बाधितांची नोंद; रुग्णसंख्या तीन लाखांच्या पार

गेल्या २४ तासांत २ लाख २३ हजार ९९० रुग्ण करोनातून बरे झाले आहेत.

COVID19 Update in India Coronavirus Deaths Active Cases Vaccinations

देशातील करोना रुग्णसंख्या स्थिर झाल्याचं वाटत असताना पुन्हा मोठी वाढ नोंदवण्यात आली आहे. देशात गेल्या आठ महिन्यांतील उच्चांकी करोना रुग्ण आढळले आहेत. गेल्या २४ तासांत देशभरात ३ लाख १७ हजार ५३२ बाधितांची नोंद करण्यात आली असून ४९१ रुग्णांचा मृत्यू झाला आहे. यासोबतच २ लाख २३ हजार ९९० रुग्ण करोनातून बरे झाले आहेत.

देशात सध्या १९ लाख २४ हजार ५१ सक्रिय बाधितांवर उपचार सुरू आहेत. देशाचा दैनंदिन पॉझिटिव्हीटी रेट सध्या १६.४१ टक्क्यांवर आहे. तर देशाचा रिकव्हरी रेट सध्या ९३.६९ टक्क्यांवर आहे. गेल्या २४ तासांत देशात ओमायक्रॉनच्या रुग्णांमध्येही मोठी वाढ झाली आहे. देशात सध्या ओमायक्रॉनचे ९ हजार २८७ रुग्ण आहेत. मंगळवारच्या तुलनेत बुधवारी ओमायक्रॉन रुग्णांमध्ये ३.६३ टक्क्यांनी वाढ झाली आहे.

This quiz is AI-generated and for edutainment purposes only.

India reports 3,17,532 new COVID cases, 491 deaths, and 2,23,990 recoveries in the last 24 hours.

Active case: 19,24,051
Daily positivity rate: 16.41%

9,287 total Omicron cases detected so far; an increase of 3.63% since yesterday pic.twitter.com/L4KnawIEAd
— ANI (@ANI) January 20, 2022

आतापर्यंत ३ कोटी ५८ लाख ७ हजार २९ रुग्णांनी करोनावर मात केली आहे. तर, ४ लाख ८७ हजार ६९३ जणांना या जीवघेण्या आजारामुळे जीव गमवावा लागला. दुसरीकडे राष्ट्रीय लसीकरण मोहिमेअंतर्गत आतापर्यंत १५९.६७ कोटी लसीचे डोस देण्यात आले आहे. दरम्यान, गेल्या २४ तासांत देशात तब्बल १९ लाख ३५ हजार १८० करोना चाचण्या करण्यात आल्या.

First published on: 20-01-2022 at 10:15 IST

Web Title: Covid update corona patients found in india hrc