“…तर भाजपाने खोऱ्याने पैसे ओढले असते” फडणवीसांनी थेट इलॉन मस्कला केलं रिट्वीट, म्हणाले…

या घटनाक्रमानंतर इलॉन मस्क यांनी एक मिश्किल ट्वीट केलं आहे. “डोनाल्ड ट्रम्प यांचं ट्विटरवर पुनरागमन होणार का? या प्रत्येक प्रश्नासाठी मला प्रत्येक वेळी मला एक डॉलर मिळाला असता, तर ट्विटर पैशात खेळलं असतं” असं ट्वीट इलॉन मस्क यांनी केलं. हेच ट्वीट रिट्वीट करत महाराष्ट्राचे उपमुख्यमंत्री देवेंद्र फडणवीसांनी विरोधकांना टोला लगावला आहे.

हेही वाचा- “नोकऱ्यांसाठी आंदोलन करणाऱ्या तरुणांना शेंबडी पोरं…” फडणवीसांच्या विधानाचा आदित्य ठाकरेंकडून समाचार, म्हणाले…

“विरोधक व एचएमव्ही (His Masters Voice- पत्रकारांना उद्देशून) कडून माझ्या आणि पक्षाविरोधात पसरवल्या जाणाऱ्या प्रत्येक खोट्या बातमीसाठी मला एक रुपाया मिळाला असता, तर भाजापाने खोऱ्याने पैसे ओढले असते” असं ट्वीट देवेंद्र फडणवीसांनी केलं आहे. त्यांचे हे ट्वीट आता वेगाने व्हायरल होत आहे.

नेमकं प्रकरण काय?
खरं तर, महाराष्ट्रातील अनेक प्रकल्प गुजरातला गेल्याने विरोधकांकडून सत्ताधारी शिंदे-फडणवीस सरकारवर सडकून टीका केली जात आहे. या टीकेला उपमुख्यमंत्री देवेंद्र फडणवीस यांनी सोमवारी पत्रकार परिषद घेऊन प्रत्युत्तर दिलं आहे. दरम्यान, त्यांनी ‘फेक नरेटिव्ह’चा मुद्दा मांडला होता. तसेच पत्रकारांना उद्देशून त्यांनी ‘एचएमव्ही’ असा शब्दप्रयोग वापरला होता.