scorecardresearch

Premium

धीरज साहूंकडे इतके पैसे कुठून आले? अखेर काँग्रेसने दिलं उत्तर; म्हणाले, “आमच्या खासदाराचे…”

धीरच साहू यांच्या घर आणि कार्यालयावर धाडी मारल्यानंतर प्राप्तीकर विभागातील अधिकाऱ्यांच्या हाती लागलेले पैसे मोजण्यासाठी पाच दिवस लागले.

Congress on Dhiraj Sahu
अधीर रंजन चौधरी म्हणाले, साहू यांच्याकडे सापडलेल्या पैशांचा आणि काँग्रेसचा काहीच संबंध नाही. (PC : PTI, Rahul Gandhi Facebook)

झारखंडमधील काँग्रेसचे राज्यसभा खासदार धीरज साहू यांचं निवासस्थान आणि कंपनीच्या कार्यालयांसह दहा ठिकाणांवर प्राप्तीकर विभागाने छापा मारला होता. या छापेमारीत ३५४ कोटी रुपयांची रोकड जप्त करण्यात आली आहे. धीरज साहू यांच्या घरात आणि कंपनीच्या कार्यालयामधील कपाटांमध्ये कोट्यवधी रुपये ठासून भरले होते. प्राप्तीकर विभागाच्या अधिकाऱ्यांना या नोटा मोजण्यासाठी तब्बल पाच दिवस लागले. या कारवाईवरून भारतीय जनता पार्टीने काँग्रेस पक्षावर निशाणा साधला आहे. पंतप्रधान नरेंद्र मोदींपासून सर्वच भाजपा नेते साहू यांच्यासह काँग्रेस पक्षावर टीका करत आहेत. साहू यांच्याकडे इतके पैसे कुठून आले असा प्रश्नही उपस्थित केला जात आहे. यावर अखेर काँग्रेसने प्रतिक्रिया दिली आहे.

धीरज साहू यांच्यावर कारवाई होत असताना त्यांचा पक्ष म्हणजेच काँग्रेसने त्यांचा कुठल्याही प्रकारे बचाव केला नाही. उलट काँग्रेस नेत्यांनी या प्रकरणापासून स्वतःला वेगळं ठेवलं आहे. काँग्रेसचे सचिव आणि खासदार जयराम रमेश यांनी काँग्रेसकडून सर्वप्रथम यावर भाष्य केलं. जयराम रमेश यांनी एक्सवर केलेल्या पोस्टमध्ये म्हटलं आहे की, खासदार धीरज साहू यांच्या व्यवसायाशी काँग्रेस पक्षाचा काहीही संबंध नाही. या संपत्तीबाबत फक्त साहूच सांगू शकतात. तसेच प्राप्तीकर विभागाच्या अधिकाऱ्यांना त्यांच्या घर-कार्यालयात सापडलेल्या रोख रकमेबाबत केवळ साहू यांनीच स्पष्ट करावं.

Student organizations protest against Governor Arif Mohammad Khan in Kerala
केरळच्या राज्यपालांचे रस्त्यावरच दोन तास ठाण; ‘एसएफआय’च्या निदर्शनांनंतर केंद्राकडून झेड सुरक्षा
ravindra-dhangekar-12
आंदोलन करणाऱ्या मविआच्या कार्यकर्त्यांना पोलिसांची धक्काबुक्की; आमदार धंगेकर म्हणाले, “पुणे पोलिसांची…”
bombay hc grants bail to woman held for killing her 4 months
पती-सासूच्या छळाला कंटाळून चार महिन्यांच्या मुलीच्या हत्येचा आरोप, महिलेला उच्च न्यायालयाकडून जामीन
nagpur mahavitaran marathi news, 2 outsourced employees beaten up marathi news
ऊर्जामंत्र्यांच्या शहरात महावितरणच्या दोन बाह्यस्त्रोत कर्मचाऱ्यांची एकाला मारहाण…

दरम्यान, काँग्रेसचे खासदार अधीर रंजन चौधरी यांनीदेखील आता या प्रकरणावर भाष्य केलं आहे. संसदेच्या हिवाळी अधिवेशनाचं आजच्या (११ डिसेंबर) दिवसाचं कामकाज संपल्यानंतर अधीर रंजन चौधरी यांनी एएनआयशी संवाद साधला. यावेळी चौधरी यांना विचारण्यात आलं की, साहू यांच्याकडे इतके पैसे कुठून आले? यावर खासदार चौधरी म्हणाले, त्यांच्या कुटुंबाचा गेल्या अनेक पिढ्यांपासून व्यवसाय आहे. हे पैसे त्यांनी कुठे कमावले, कोणाकडून आणि कसे कमावले याबाबत सरकारनेच तपास करावा.

हे ही वाचा >> “देशात इतका काळा पैसा…”, ३५० कोटींचं घबाड सापडलेल्या धीरज साहूंची ‘ती’ पोस्ट व्हायरल

अधीर रंजन चौधरी म्हणाले, खासदार धीरज साहू यांच्याकडे सापडलेल्या पैशांचा आणि काँग्रेसचा काहीच संबंध नाही. ते त्यांचे पैसे आहेत. ती संपत्ती केवळ एका कुटुंबाची आहे. तसेच ते पैसे आमच्या खासदाराचे आहेत का हेदेखील कोणाला माहिती नाही. ते पैसे धीरज साहू यांचे आहेत की, त्यांचे वडील, आजोबा किंवा भावाचे आहेत हे कोणालाच माहिती नाही. त्यामुळे सरकारी तपास यंत्रणांनी या गोष्टीचा तपास करावा. तसेच जे लोक आत्ता आक्रमकपणे बोलत आहेत तेच लोक नीरव मोदी किंवा मेहुल चोकसी यांची प्रकरणं बाहेर आली तेव्हा मूग गिळून गप्प बसले होते.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Dhiraj sahu it raid congress says government should investigate adhir ranjan chowdhury asc

First published on: 11-12-2023 at 18:42 IST

संबंधित बातम्या

तुम्ही या बातम्या वाचल्या आहेत का? ×