इस्लामिक स्टेटशी संलग्न असलेल्या कडव्या हल्लेखोरांनी इजिप्तमधील उत्तर सिनाईतील अनेक सुरक्षा चौक्यांवर गुरुवारी केलेल्या भीषण हल्ल्यात २५ सैनिक ठार झाले.हल्लेखोरांनी अशांत उत्तर सिनाई प्रांतात अग्निबाणांचा मारा करून कारबाँबचा स्फोट केला. यात २५ सैनिक व १ नागरिक ठार तर ६० जण जखमी झाले. दहशतवाद्यांनी सैन्याचा तळ असलेल्या अल-अरीश या प्रांतिक राजधानीच्या शहरातील उत्तर सिनाई सुरक्षा संचालनालय, एक हॉटेल आणि अनेक सुरक्षा चौक्यांना लक्ष्य केल्याचे वृत्त सरकारी दूरचित्रवाणी व अहराम अरेबिक न्यूज वेबसाइटने दिले.
