इराणमध्ये एका सातवर्षीय बालिकेवर बलात्कार करून तिची हत्या केल्याप्रकरणी एका आरोपीला बुधवारी सार्वजनिकरीत्या फासावर लटकावण्यात आले. या प्रकरणामुळे देशभरातून संताप व्यक्त करण्यात येत होता. त्यामुळे आरोपीला अशी शिक्षा ठोठावण्यात आली. या वेळी नागरिकांनी जल्लाेष केला. इस्माईल जफरजादेह (वय ४२) असे आरोपीचे नाव असून, त्याला अर्देबिल प्रांतातील परसाबाद शहरातील चौकात ही शिक्षा देण्यात आली. याप्रसंगी परिसरातील अनेक लोक उपस्थित होते. या घटनेचा अनेकांनी निषेधही केला होता. पीडित बालिका ही १९ जून रोजी तिच्या वडिलांसोबत बेपत्ता झाली होती.
