मोहम्मद फैजल यांच्या याचिकेवर मंगळवारी सुनावणी, अपात्रतेची कारवाई मागे घेण्याची मागणी

पीटीआय, नवी दिल्ली : केरळमधील राष्ट्रवादी काँग्रेसचे अपात्र ठरवण्यात आलेले खासदार मोहम्मद फैजल यांच्या लोकसभा सचिवालयाविरोधातील याचिकेवर सर्वोच्च न्यायालयात मंगळवारी सुनावणी होणार आहे. फैजल यांना एका गुन्ह्यात १० वर्षांची शिक्षा सुनावण्यात आल्यानंतर ते खासदार म्हणून अपात्र ठरले होते. त्यानंतर केरळ उच्च न्यायालयाने सत्र न्यायालयाच्या निकालाला आणि शिक्षेला स्थगिती दिल्यानंतरही लोकसभा सचिवालयाने त्यांच्यावरील कारवाई रद्द केली नाही. याविरोधात फैजल यांनी सर्वोच्च न्यायालयात याचिका दाखल केली होती, त्यावर सोमवारी सुनावणी झाली.