मद्यसम्राट विजय मल्या याने ४ कोटी डॉलर आपल्या मुलांकडे हस्तांतरित केल्याबद्दल सर्वोच्च न्यायालयाने २०१७ मध्ये त्याला न्यायालयाचा अवमानप्रकरणी दोषी ठरविले होते, त्या आदेशाचा फेरविचार करण्यासाठी मल्याने केलेल्या याचिकेवर २० ऑगस्ट रोजी सुनावणी घेण्यात येईल, असे गुरुवारी सर्वोच्च न्यायालयाने सांगितले. न्या. यू. यू. लळित आणि न्या. अशोक भूषण यांच्या पीठासमोर व्हिडीओ कॉन्फरन्सिंगद्वारे सुनावणी झाली, मात्र एक दस्तऐवज उपलब्ध नसल्याने पीठाने सुनावणी स्थगित केली.
