कोणताही व्हेरिएंट येवो, दो गज दुरी; मास्क है जरुरी!

एम्स रुग्णालयाचे संचालक डॉ. रणदीप गुलेरिया यांनी सांगितलं करोनापासून बचावाचं सूत्र

Coronavirus, Coronavirus Mask
ही महिला दूध आणण्यासाठी घराबाहेर पडली होती तेव्हा पोलीस कर्मचाऱ्याने तिला मास्क न घातल्याबद्दल थांबवलं. (फोटो रॉयटर्सवरुन साभार)

करोनाच्या डेल्टा व्हेरिएंटबद्दल फारशी माहिती उपलब्ध नाही पण जर आपण करोना प्रतिबंधाचे सर्व नियम पाळले तर आपण कोणत्याही संभाव्य व्हेरिएंटपासूनही वाचू शकतो, असं प्रतिपादन दिल्लीच्या एम्स रुग्णालयाचे संचालक डॉ. रणदीप गुलेरिया यांनी केलं आहे. डेल्टा व्हेरिएंटबद्दल फारशी माहिती उपलब्ध नसल्याने तो जास्त संसर्गजन्य आहे की त्याच्यामुळे अधिक मृत्यू होत आहेत असं सांगता येणार नाही असंही ते म्हणाले.

या नव्या व्हेरिएंटबद्दल बोलताना एम्स रुग्णालयाचे संचालक डॉ. रणदीप गुलेरिया म्हणाले, कोणताही नवा व्हेरिएंट जरी आला तरी करोना प्रतिबंधाचे नियम पाळल्याने आपण त्याच्यापासून वाचू शकतो. करोनापासून संरक्षण व्हावं यासाठी मास्क वापरणं, स्वच्छता पाळणं, विशेषतः हात वारंवार धुणं, सुरक्षित अंतर राखणं अशा उपायांचं पालन करण्याच्या सूचना वारंवार केल्या जात आहेत.


देशात सध्या करोनाचा नवा प्रकार डेल्टा व्हेरिएंटचा प्रादुर्भाव दिसून येत आहे. करोना विषाणूच्या या नव्या प्रकारामुळे प्रतिकारशक्ती वेगाने निष्प्रभ होत असल्याचं समोर आलं आहे. त्यामुळे जगभरातील देशांनी या प्रकाराची धास्ती घेतली असताना भारतातल्या १० राज्यांमध्ये प्रामुख्याने डेल्टा प्लसचे रुग्ण आढळत आहेत.

हेही वाचा- काळजी घ्या, Delta Variant करोनाचा सर्वाधिक संक्रमण होणारा प्रकार; WHO चा इशारा!

त्यात महाराष्ट्रात सर्वाधिक रुग्ण आत्तापर्यंत आढळून आल्यामुळे चिंता वाढली असतानाच आता जागतिक आरोग्य संघटनेने डेल्टा प्लसचा मूळ व्हेरिएंट असलेला डेल्टा व्हेरिएंट जगभरात आजपर्यंत सापडलेल्या विषाणूंमध्ये सर्वाधिक वेगाने संक्रमण होणारा विषाणू असल्याचं स्पष्ट केलं आहे. त्यामुळे लसीचे दोन्ही डोस घेतलेल्या जगभरातल्या नागरिकांनी देखील मास्क घालून ठेवणं आवश्यक असल्याचा इशारा जागतिक आरोग्य संघटनेनं दिला आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

Web Title: If we follow covid appropriate behaviour we will be safe against any of emerging variants vsk

ताज्या बातम्या