VIDEO …आणि भारतीय सैन्यापासून जीव वाचवून पळाले दहशतवादी - Marathi News | Indian Army Forced To Terrorist To Return To Their Territory Dmp 82

भारतीय लष्कराने पाकिस्तानी घुसखोरांना पळवून लावल्याचा एका व्हिडिओ जारी केला आहे.

नियंत्रण रेषा आणि आंतरराष्ट्रीय सीमेवर पाकिस्तान पुरस्कृत दहशतवाद्यांकडून सातत्याने घुसखोरीचे प्रयत्न सुरु आहेत. जम्मू-काश्मीरमधून कलम ३७० हटवल्यापासून हे प्रमाण वाढले आहे. घुसखोरांच्या मदतीसाठी पाकिस्तानकडून शस्त्रसंधीचेही उल्लंघन केले जाते. सीमेवर सर्तक असलेल्या भारतीय जवानांनी आतापर्यंत पाकिस्तानचे घुसखोरीचे अनेक प्रयत्न उधळून लावले आहेत.

भारतीय लष्कराने पाकिस्तानी घुसखोरांना पळवून लावल्याचा एका व्हिडिओ जारी केला आहे. ३० जुलैचा हा व्हिडिओ आहे. काश्मीरच्या कुपवाडा सेक्टरमध्ये पाकिस्तानी दहशतवादी घुसखोरी करत असल्याचे सैन्याच्या निदर्शनास आले. भारतीय सैन्याने लगेचच दहशतवाद्यांच्या दिशेने गोळीबार सुरु केला आणि त्यांना माघारी फिरण्यास भाग पाडले.

Indian Army detected Pakistani terrorists near LoC in Kashmir’s Kupwara sector on 30 Jul.Indian troops started firing at them as soon as terrorists were detected&forced them to return to their territory.They were attempting to infiltrate&carry out attacks on Indian positions. pic.twitter.com/WlKT9VF6Cd
— ANI (@ANI) September 27, 2019

भारतीय सैन्य चौक्यांवर हल्ला करण्यासाठी हे दहशतवादी येत होते. भारतीय सैन्याकडून गोळीबार सुरु होताच जीव वाचवण्यासाठी या दहशतवाद्यांनी पळ काढला. पाकिस्तान भारतात घातपात घडवण्यासाठी वेगवेगळे कट रचत आहे. पंजाबमध्ये पाकिस्तानने ड्रोनद्वारे मोठया प्रमाणावर शस्त्रास्त्रे पोहोचवल्याचे समोर आले आहे.

First published on: 27-09-2019 at 17:21 IST

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Indian army forced to terrorist to return to their territory dmp