इंदिरा गांधी जन्मशताब्दी त्यांच्या जन्मस्थळीच करण्याची विनंती

पक्ष कार्यकर्त्यांनी स्वराज भवन येथे सोनिया गांधी यांची शनिवारी सकाळी भेट घेतली.

माजी पंतप्रधान दिवंगत इंदिरा गांधी यांच्या जन्मशताब्दीचा कार्यक्रम त्यांच्या जन्मस्थळी करावा आणि गांधी-नेहरू घराण्यातील एका सदस्याला अलाहाबाद लोकसभा मतदारसंघाचे प्रतिनिधित्व द्यावे, अशी विनंती काँग्रेसच्या स्थानिक नेत्यांनी काँग्रेस पक्षाच्या अध्यक्षा सोनिया गांधी यांच्याकडे केली आहे.
रायबरेली या आपल्या लोकसभा मतदारसंघाचा दोन दिवसांचा दौरा करून शुक्रवारी सायंकाळी सोनिया गांधी येथे एका खासगी कामानिमित्त आल्या होत्या. त्या वेळी स्थानिक नेत्यांनी त्यांची भेट घेऊन त्यांना वरील विनंती केली.
पक्षाचे आमदार अनुराग नारायण सिंह आणि जिल्हा काँग्रेस अध्यक्ष अनिल द्विवेदी यांच्या नेतृत्वाखालील पक्ष कार्यकर्त्यांनी स्वराज भवन येथे सोनिया गांधी यांची शनिवारी सकाळी भेट घेतली.
तथापि, आपण खासगी दौऱ्यावर आलो असल्याने या वेळी कोणताही संदेश देणार नसल्याचे सोनिया गांधी यांनी स्पष्ट केले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Indira gandhi birth centenary congress party

ताज्या बातम्या