नवी दिल्ली: काँग्रेसच्या ‘न्यायपत्रा’शी साधम्र्य असलेला जाहीरनामा समाजवादी पक्षाने बुधवारी प्रसिद्ध केला. काँग्रेसप्रमाणे समाजवादी पक्षानेही जातनिहाय जनगणना, सरकारी नोकऱ्यांमध्ये महिलांना आरक्षण, हमीभावासाठी कायदा करण्याची हमी दिली आहे. शिवाय, अग्निपथ योजना रद्द करण्याचे आश्वासनही ‘जनता का मांग पत्र, हमारा अधिकार’ या जाहीरनाम्यामध्ये दिले आहे.

काँग्रेसच्या आश्वासनाप्रमाणे ‘सप’नेही जातनिहाय जनगणनेला पाठिंबा दिला असून २०२५ पर्यंत ही गणना पूर्ण करून त्या आधारावर शैक्षणिक, सामाजिक क्षेत्रांत विविध समाजघटकांना २०२९ पर्यंत सामावून घेतले जाईल, असे जाहीरनाम्यात नमूद केले आहे. सरकारी नोकऱ्यांमध्ये महिलांसाठी ३३ टक्के जागा राखीव असतील. लोकसभा व विधानसभेत महिलांना ३३ टक्के आरक्षणाची दोन वर्षांत अंमलबजावणी केली जाईल. शेतीमालाच्या किमान आधारभूत किमतींसाठी कायदा केला जाईल. कृषी आयोग नेमला जाईल. भूमिहिन व छोटय़ा शेतकऱ्यांना दरमहा ५ हजारांचे साह्य केले जाईल. रेशन कार्डधाकरांना मोफत गव्हाचे पीठ, ५०० रुपयांपर्यंत मोफत मोबाइल डाटाही दिला जाणार आहे. अशीच आश्वासने काँग्रेसकडूनही दिली गेली आहेत. गरीब कुटुंबांना वार्षिक १ लाखांचे आर्थिक साह्य दिले जाणार आहे. आरक्षणाची मर्यादा शिथिल करून ५० टक्क्यांपेक्षा जास्त आरक्षण देण्यासाठी घटनेमध्ये दुरुस्ती करण्याचे आश्वासन काँग्रेसने दिले आहे.

rahul gandhi
राहुल यांचे मोदींना चर्चेचे आव्हान
Nana Patole, Sharad Pawar
काँग्रेसमध्ये प्रादेशिक पक्ष विलीन करण्याच्या पवारांच्या विधानावर नाना पटोलेंचं भाष्य; म्हणाले, “अनेक पक्षांचा…”
ajit pawar criticized congress
“ज्या काँग्रेसने कधी संविधान दिवस साजरा केला नाही, ती काँग्रेस आज…”; संविधान बदलण्याच्या आरोपांवर अजित पवारांची प्रतिक्रिया
Union Home Minister Amit Shah on Saturday asserted that only Prime Minister Narendra Modi government has the courage to stop infiltrators in the country
आरक्षण रद्द करण्याच्या कथित व्हिडिओवर अमित शाहांची पहिली प्रतिक्रिया; काँग्रेसवर आरोप करत म्हणाले…
What Narendra Modi Said?
पंतप्रधान नरेंद्र मोदींचा आरोप, “काँग्रेसच्या जाहीरनाम्यावर मुस्लिम लीगची छाप”
Narendra Modi criticism that it is a ploy by Congress to implement the Karnataka model for Muslims
ओबीसी आरक्षणाला धोका! मुस्लिमांसाठीचे कर्नाटक प्रारूप लागू करण्याचा काँग्रेसचा डाव : मोदी
BJP ignores the issues of inflation and unemployment Congress alleges in nashik
भाजपकडून महागाई, बेरोजगारीच्या मुद्यांना बगल; काँग्रेसचा आरोप
narendra modi
धर्माच्या आधारावर आरक्षणाचा प्रयत्न! पंतप्रधान नरेंद्र मोदी यांचा काँग्रेसवर आरोप

हेही वाचा >>>ईशान्येकडील २५ जागा भाजपसाठी आव्हानात्मक

जुन्या निवृत्तिवेतनाची हमी

निमलष्करी जवानांसह सर्व सरकारी कर्मचाऱ्यांसाठी जुनी निवृत्तिवेतन योजना लागू करण्याचे आश्वासन ‘सप’ने दिले आहे. काँग्रेसने मात्र या मुद्दय़ावर जाहीरनाम्यात मौन बाळगले आहे. कर्नाटकच्या विधानसभा निवडणुकीत काँग्रेसने जुनी निवृत्तिवेतन योजना पुन्हा लागू करण्याचे आश्वासन दिले होते, हिमाचल प्रदेशात त्याची अंमलबजावणीही केली गेली मात्र, लोकसभा निवडणुकीच्या जाहीरनाम्यात त्याबाबत उल्लेख केलेला नाही. उत्तर प्रदेशातील काँग्रेसचा मित्र पक्ष ‘सप’ने ही योजना लागू करण्याचे थेट आश्वासन दिले आहे. उत्तर प्रदेशातील ८० पैकी ६३ जागा ‘सप’ व १७ जागा काँग्रेस लढवत आहे.