पंजाब नॅशनल बँक (पीएनबी) घोटाळ्यातील प्रमुख आरोपी असलेले नीरव मोदीचा जोडीदार मेहुल चोक्सीनं मुंबई हायकोर्टात प्रतिज्ञापत्रात सादर केलं आहे. मी देशसोडून पळालो नाही तर उपचारासाठी मला देशाबाहेर जावं लागलेय, असे प्रतिज्ञापत्रात चोक्सीनं म्हटले आहे. मेहूल चोक्सीनं न्यायालयात आजाराचे पुरावेही सादर केले आहेत. सध्या अँटिग्वामध्ये राहत असून तपास यंत्रणांना पूर्णपणे सहकार्य करत असल्याचे चोक्सीनं म्हटले आहे. जर न्यायालयाने परवाणगी दिल्यास दिल्यास तपास अधिकारी चौकशीसाठी येथे येऊ शकतात, असेही तो प्रतिज्ञापत्रात म्हटले आहे. माझ्या तबियतमध्ये सुधारणा झाल्यास लवकरच भारतात परतेल. तुर्तास विशेष न्यायालयासमोर आणि तपास अधिकाऱ्यांसमोर व्हिडीओ कॉन्फरन्सींगद्वारे खटल्याला उपस्थित राहण्याची माझी तयारी आहे. माझ्यावर लावण्यात आलेले सर्व आरोप खोटे असल्याचा दावा प्रतिज्ञापत्रात चोक्सीनं केला आहे. Mehul Choksi submits affidavit in the High Court of Judicature at Bombay, with details of his diseases and says he left country not to flee but for medical treatment. (file pic) pic.twitter.com/WaXFbWyOZS — ANI (@ANI) June 17, 2019 पंजाब नॅशनल बँकेतील घोटाळ्यामुळे मी भारतातून पलायनं केले नाही, उपचारासाठी मला देश सोडावा लागला. सुनावणीवेळी मला न्यायालयात उपस्थित राहण्याची इच्छा आहे, पण आजारपणामुळे प्रवास करू शकत नसल्याचे प्रतिज्ञापत्रात चोक्सीनं म्हटलेय. गेल्यावर्षी उघडकीस आलेल्या पीएनबी बँक घोटाळ्यात १३००० कोटी रुपयांचा घोटाळा झाला होता. यामध्ये नीरव मोदी आणि मेहुल चोक्सी हे प्रमुख आरोपी आहेत. त्यांनी बँकेला फसवून कर्जे न फेडताच देशातून पळ काढला आहे. या घोटाळ्यामध्ये बँकेचेही काही अधिकाऱ्यांचा समावेश आहे.
