सोमालियामधील संसदेवर आज (शनिवार) येथील दहशतवाद्यांनी हल्ला केला. या हल्ल्यात सातजण ठार झाल्याच वृत्त आहे. ठार झालेल्यांमध्ये सहा दहशतवादी आणि एका सुरक्षा रक्षकाचा समावेश आहे. संसदेच्या इमारतीवर कारबॉंबिंग, आत्मघातकी दहशतवादी व इतर दहशतवाद्यांच्या सहाय्याने मोठा हल्ला करण्यात आला असल्याचे सूत्रांनी सांगितले. संसदेच्या इमारतीजवळ जोरदार गोळीबार व बॉंबस्फोटही करण्यात आला. संसदेच्या इमारतीमध्ये अनेक लोकप्रतिनिधी अडकले आहेत. येथे सुरु असलेल्या चकमकीमध्ये सुरक्षा दलाच्या जवानांनी चार दहशतवाद्यांना कंठस्नान दिले; तर एक आत्मघातकी दहशतवादी व कारमधून बॉंबस्फोट करणारा दहशतवादीही ठार झाले आहेत. अद्यापी या भागामध्ये अजून दहशतवादी असल्याचा अंदाज सूत्रांनी वर्तविला आहे. (संग्रहित छायाचित्र)
