एक्स्प्रेस वृत्तसेवा, नवी दिल्ली

लोकसभा निवडणुकीतील मतदानाचे पाच टप्पे पूर्ण झाले असून पहिल्या चार टप्प्यांपेक्षा पाचव्या टप्प्यात पुरुषांपेक्षा महिलांनी अधिक मतदान केल्याची माहिती निवडणूक आयोगाने जाहीर केली.

election
सहाव्या टप्प्यासाठी आज मतदान; सहा राज्यांतील ५८ जागांचा समावेश; दिल्ली, हरियाणातील सर्व जागांवर मतदान
election_
अर्धशतकी मतटक्क्यासाठी दिल्लीत तीव्र संघर्ष
National Security Adviser Ajit Doval criticized if the borders were secure there would have been faster progress
सीमा सुरक्षित असत्या तर वेगाने प्रगती झाली असती! राष्ट्रीय सुरक्षा सल्लागार अजित डोभाल यांची टीका
yogendra yadav
“लोकसभेच्या निकालानंतर अजित पवार आणि एकनाथ शिंदे…”, योगेंद्र यादव यांचं मोठं विधान!
Maharashtra Lok Sabha Election Result 2024 Updates in Marathi
Maharashtra Lok Sabha Election Result 2024: महाराष्ट्रातील ४८ मतदारसंघात काय आहे स्थिती? कुणाला मिळाला विजय; कोण आघाडीवर? जाणून घ्या…
What Kangana Said?
कंगनाचा धक्कादायक दावा, “कोणतीही नवी हिरोईन आली की तिला दाऊदसमोर..”
Raghuram Rajan reuters
“निवडणुकीत भाजपाचा पराभव झाला तर…”, भारताच्या अर्थव्यवस्थेबाबत माजी RBI गव्हर्नर रघुराम राजन यांचं मोठं वक्तव्य
navneet rana uddhav thackeray
“मी पराभूत झालेय, उद्धव ठाकरेंनी आता तरी…”, नवनीत राणांचं वक्तव्य चर्चेत

२०१९च्या लोकसभा निवडणुकीत महिला मतदारांचे एकूण मतदान ६७.१८ टक्के झाले, तर पुरुषांचे मतदान ६७.०२ टक्के झाले. तुलनेने महिलांचे मतदान थोडे जास्त होते. या वेळी २० मे रोजी पाचव्या टप्प्यात आठ राज्ये व केंद्रशासित प्रदेशांतील ४९ मतदारसंघांमध्ये मतदान झाले. या टप्प्यात एकूण ६२.२० टक्के मतदान नोंदवले गेले. त्यापैकी पुरुष मतदारांचे मतदान ६१.४८ टक्के झाले, तर महिलांचे मतदान ६३ टक्के झाले. जम्मू-काश्मीर, महाराष्ट्र आणि पश्चिम बंगाल या राज्यांमध्ये महिला मतदारांचे मतदान कमी नोंदवले गेले. या टप्प्यात मतदान झालेल्या ४९ मतदारसंघांपैकी २४ मतदारसंघांमध्ये महिला मतदारांचे प्रमाण जास्त होते, त्यापैकी २२ मतदारसंघांमध्ये २०१९ मध्येही हाच कल नोंदवला गेला होता.

निवडणूक आयोगाच्या मते पाचव्या टप्प्यात ८.९५ कोटी मतदार मतदानास पात्र होते. त्यापैकी ४.९६ कोटी पुरुष, ४.२६ कोटी महिला आणि ५,४०९ तृतीयपंथींचा समावेश होता.

हेही वाचा >>>Video: ‘गरा-गरा फिरत हॅलिकॉप्टर जमिनीवर पडलं’, हृदयाचे ठोके चुकविणारी केदारनाथची घटना; प्रवाशी सुरक्षित

बिहार, झारखंडमध्ये आघाडी

विशेष म्हणजे बिहार, झारखंड या राज्यांमध्ये पुरुषांपेक्षा महिलांनी अधिक मतदान केल्याचे दिसून आले. बिहारमध्ये ५३.४२ टक्के पुरुषांचे मतदान झाले, तर ६१.५८ टक्के महिलांनी मतदान केले. झारखंडमध्ये ६८.६५ महिला, तर ५८.०८ पुरुषांनी मतदानाचा अधिकार बजावला. झारखंडमधील कोडरमा मतदारसंघात ५४.१५ पुरुषांनी, तर ७० टक्के महिलांनी मतदान केले. मतदानातील हा फरक १५.४८ टक्के इतका जास्त होता.

जम्मू-काश्मीर, महाराष्ट्र, पश्चिम बंगाल या राज्यांमध्ये पुरुषांच्या तुलनेत कमी महिलांनी मतदान केले, मात्र बिहार, झारखंडमध्ये अधिक महिलांनी मतदान केले, असे निवडणूक आयोगाने सांगितले.

या मतदारसंघांत महिलांचे मतदान अधिक

● बिहार : सीतामढी, मधुबनी, मुझफ्फरपूर, सारण आणि हाजीपूर ● झारखंड : चतरा, कोडरमा, हजारीबाग ● उत्तर प्रदेश : रायबरेली, अमेठी, बांदा, फतेहपूर, कौशांबी, फैजाबाद, कैसरगंज, गोंडा, बनगाव ● पश्चिम बंगाल : हुगळी, उलुबेरिया

महिलापुरुष मतदान

पुरुष महिला फरक एकूण मतदान

टप्पा १ ६६.२२ ६६.०७ ०.१५ ६६.१४

टप्पा २ ६६.९९ ६६.४२ ०.५७ ६६.७१

टप्पा ३ ६६.८९ ६४.४१ २.४८ ६५.६८

टप्पा ४ ६९.५८ ६८.७३ ०.८५ ६९.१६

टप्पा ५ ६१.४८ ६३.०० १.५२ ६५.२०