नारायण मूर्तींचा कानमंत्र ठरला टर्निंग पॉइंट, ऋषी सुनक यांनी सांगितला पंतप्रधानपदापर्यंत पोहचण्याचा प्रवास

“नारायण मूर्ती हे यशस्वी उद्योजक आहेत. त्यांनी हजारो लोकांना रोजगार दिला आहे. त्यामुळे संपूर्ण देशाची कल्पना बदलली आहे. याद्वारे आपण प्रभाव पाडू शकतो, असे मला वाटलं होतं. पण, नारायण मूर्ती यांनी सांगितलं, तुम्हाला प्रभाव पाडायचा असेल, व्यवसायाऐवजी राजकारण केलं पाहिजे. ते नेहमीच माझ्या मागे उभे राहून प्रोत्साहन देतं होते. त्यामुळेच आज पंतप्रधानपदापर्यंत मी पोहचू शकलो, असे सुनक म्हणाले.

हेही वाचा : मोदी सरकारची २५४ कोटींची कमाई २६ दिवसात आणि ती ही रद्दी, भंगार विकून; इतकी जागा रिकामी झाली की…

ब्रिटनबद्दल बोलताना ऋषी सुनक यांनी म्हटलं, “देशाच्या विकासाची गती वाढवायची असेल, तर तुमची अर्थव्यवस्था बळकट असणे आवश्यक आहे. देशात नवीन कंपन्या आणि गुंतवणूक झाली पाहिजे. तसेच, व्हिसा सुविधा सुलभ असेल तर पर्यटकांना आपण आकर्षित करु शकतो. जर, या गोष्टींना आपण चालना दिली, तर अर्थव्यवस्थेला गती कशी द्यायची याची मला माहिती आहे,” असेही ऋषी सुनक यांनी सांगितलं. ‘टाईम्स ऑफ इंडिया’ने याबाबत वृत्त दिलं आहे.