पीटीआय, श्रावस्ती (उत्तर) सपा आणि काँग्रेस सत्तेवर आल्यास सरकारने बांधलेली घरे काढून घेणे, लोकांची जनधन खाती बंद करणे, त्यांची वीज जोडणी तोडणे, पाण्याचे नळ काढून टाकणे अशी कामे करून देशाला पिछाडीवर नेण्याचे कार्य करतील, असा आरोप पंतप्रधान नरेंद्र मोदी यांनी करत कल्याणकारी योजनांना खीळ बसण्याची चिंता व्यक्त केली. उत्तर प्रदेशातील श्रावस्ती येथील भाजपचे उमेदवार साकेत मिश्रा यांच्या समर्थनार्थ आयोजित निवडणूक रॅलीत मोदी बोलत होते. ‘इंडिया आघाडी’ हा कर्करोगापेक्षाही भयंकर आजार असल्याचे सांगून मोदी म्हणाले की, इंडिया आघाडीतील पक्ष कट्टर जातीयवादी आणि कुटुंबकेंद्रित आहेत. हे आजार देशासाठी कर्करोगापेक्षाही भयंकर आहेत, असेही ते म्हणाले. ‘जेव्हा लोक त्यांना विचारतात की त्यांनी गेल्या ६० वर्षांत काय केले, तेव्हा ते त्यांच्या पत्त्यांचा एक्का काढतात, जे समाजात फूट पाडण्यासाठी आणि मत जिहाद करण्यासाठी आहेत,’ मोदी म्हणाले. हेही वाचा >>>धार्मिक भावना दुखवू नका ! संविधानावर बोलू नका !! नड्डा, खरगे यांना निवडणूक आयोगाचे पत्र भारतीय गटातील पक्ष तुष्टीकरणाचे राजकारण करत असल्याचा आरोप करून ते म्हणाले, ‘‘काँग्रेस म्हणते देशाच्या मालमत्तेवर पहिला हक्क मुस्लिमांचा आहे. पण मोदी म्हणतात की, देशातील गरिबांचा संपत्तीवर पहिला हक्क आहे.’’ काँग्रेसला तुमची कमाई हिसकावून घ्यायची आहे व ती आपल्या मतपेढीला द्यायची आहे जी व्होट जिहादमध्ये गुंतलेली आहे, असे त्यांनी लोकांना सांगितले. २५ मे रोजी लोकसभा निवडणुकीच्या सहाव्या टप्प्यात श्रावस्तीमध्ये मतदान
