Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

मोदी सरकारला करोनाची परिस्थिती हाताळण्यात अपयश आल्याचं मानणाऱ्यांची संख्याही वाढल्याचं या सर्वेक्षणामधून दिसून येत आहे

सर्वेक्षणामधून समोर आली आकडेवारी (मूळ फोटो रॉयटर्सवरुन साभार)

पंतप्रधान नरेंद्र मोदींची लोकप्रियता मागील वर्षभरामध्ये तब्बल ४२ टक्क्यांनी कमी झाली आहे. मागील वर्षी ६६ टक्के लोकांनी पुढील पंतप्रधान म्हणून मोदींना पसंती दर्शवली असतानाच यंदा मात्र अवघ्या २४ टक्के लोकांनी मोदींच्या बाजूने कौल दिलाय. इंडिया टुडेने घेतलेल्या ‘मूड ऑफ द नेशन’ सर्वेक्षणामधून ही माहिती समोर आलीय.

पंतप्रधान मोदींची लोकप्रियता कमी होण्यामागील सर्वात महत्वाचं कारण म्हणजे करोना परिस्थिती हाताळण्यात केंद्र सरकारला आलेलं अपयश. “करोनाची पहिली लाट आली तेव्हा पंतप्रधान मोदींची नेता म्हणून लोकप्रियता जानेवारी २०२१ मध्ये ७३ टक्के इतकी होती. मात्र दुसऱ्या लाटेमधील केंद्र सरकारचा कारभार आणि त्यामुळे सर्वसामान्यांना झालेल्या अडचणी यामुळे मोदींची लोकप्रियता ४९ टक्क्यांनी कमी झालीय,” असं इंडिया टुडेच्या या सर्वेक्षण अहवालात म्हटलं आहे.

According to the just-published India Today Mood of the Nation survey, only 24% think Modi is best choice for next PM. The second choice at 11% is Yogi Adityanath. Modi as the first choice has gone down sharply from 66% a year ago to 24% now. pic.twitter.com/wKPcIfM4bd
— Shivam Vij (@DilliDurAst) August 16, 2021

निवडणूक प्रचार सभांमुळेच देशामध्ये करोनाची दुसरी लाट आल्याचं मत २७ टक्के भारतीयांनी व्यक्त केलं आहे. तर २६ टक्के लोकांनी करोना संदर्भातील नियमांचं पालन न केल्याने दुसरी लाट आल्याचं मत व्यक्त केलंय. तर मोदी सरकारला करोनाची परिस्थिती हाताळण्यात अपयश आल्याचं मत २०२० साली ऑगस्ट महिन्यात २३ टक्के लोकांनी व्यक्त केलेलं. आता एका वर्षानंतर मोदी सरकारच्या करोनासंदर्भातील कामावर नाराज असणाऱ्यांची संख्या वाढून ४९ टक्क्यांवर गेलीय.

According to the latest India Today Mood of the Nation Survey, those disapproving of Modi’s handling of Covid went up from about 23% in August 2020 to about 49% in August 2021.
Only 49% after the horrors of second wave. Should have been 93%. pic.twitter.com/4pPFkKkH1s
— Shivam Vij (@DilliDurAst) August 16, 2021

देशासमोरील सर्वात मोठा प्रश्न हा करोना परिस्थिती असल्याचं मत २३ टक्के लोकांनी व्यक्त केलंय. २९ टक्के लोकांनी महागाई आणि वाढत्या किंमती हे मोदी सरकारचं सर्वात मोठं अपयश असल्याचं मत व्यक्त केलंय तर २३ टक्के लोकांनी बेरोजगारांची वाढती संख्या हे मोदी सरकारचं अपयश असल्याचं म्हटलं आहे.

According to the latest India Today Mood of the Nation survey, inflation has overtaken unemployment as the top economic concern for Indians in the space of just 6 months. pic.twitter.com/jfi2T258Z9
This quiz is AI-generated and for edutainment purposes only.
— Shivam Vij (@DilliDurAst) August 16, 2021

विशेष म्हणजे एकीकडे पंतप्रधान मोदींची लोकप्रियता कमी झाली असताना दुसरीकडे गांधी कुटुंबाशिवाय काँग्रेस हा विचार योग्य नसल्याचं म्हणणाऱ्यांचं प्रमाण वाढलं आहे.

The number of those wanting a Gandhi-less Congress have decreased marginally. Clearly, Rahul and Priyanka not exploiting an opportunity falling into their laps. pic.twitter.com/CkfIpNbssj
— Shivam Vij (@DilliDurAst) August 16, 2021

सर्वेक्षणात सहभागी झालेल्या ४४ टक्के लोकांनी सध्या निर्माण झालेलं आरोग्यासंदर्भातील संकट हे केंद्र आणि राज्य दोन्हींची समान जबाबदारी असल्याचं म्हटलंय.

First published on: 20-08-2021 at 15:50 IST

Web Title: Narendra modi popularity fell from 66 percent to 24 percent in one year india today survey scsg

करोनाने लावला मोदींच्या लोकप्रियतेला सुरुंग; ६६ टक्क्यांवरुन थेट २४ टक्क्यांवर घसरण