भारत – चीन सीमेवर शांततेसाठी उपाययोजना, विशेष प्रतिनिधी चर्चेत दोन्ही बाजूंनी सहमती

हेही वाचा : सुधीर रसाळ यांना साहित्य अकादमी

भारत-चीन सर्वंकष संबंधांचा राजकीय दृष्टीकोन कायम राखण्याचे महत्त्व याचा या चर्चेदरम्यान पुनरुच्चार करण्यात आला अशी माहिती परराष्ट्र मंत्रालयाने दिली. सीमेवर सैन्यतैनातीपूर्वी असणारी सामान्य स्थिती कायम राहावी यासाठी शांतता कायम राखणे आवश्यक आहे यावर दोन्ही बाजूंचे एकमत झाले. २०२०मधील संघर्षाच्या घटनांवरून दोन्ही देश सीमेवर शांतता राखण्याचा धडा शिकले आहेत असेही परराष्ट्र मंत्रालयाने सांगितले. योग्य राजनैतिक आणि लष्करी यंत्रणांचा वापर करण्याचे, समन्वय राखण्याचे आणि मार्गदर्शन घेण्याचा निर्णय घेण्यात आला. सीमापार सहकार्य, कैलास मानसरोवर यात्रा पुन्हा सुरू करणे या उपाययोजना हाती घेतल्या जातील.