‘Kill Narendra Modi’, पंतप्रधानांना जीवे मारण्याच्या धमकीचा ई-मेल, एनआयएकडून अलर्ट

“एनआयएकडे आलेल्या काही ई-मेलमध्ये काही मान्यवर व्यक्तींना तसेच संस्थांना धमकी देण्यात आली आहे. या ई-मेलच्या कॉपी आणि माहिती सोबत जोडत आहोत. यासंदर्भात योग्य ती कारवाई करावी,” असं एनआयएने गृहमंत्रालयाला पाठवलेल्या पत्रामध्ये म्हटलं आहे.

पंतप्रधान मोदींविरोधात षडयंत्र रचलं जात असल्याचे या ई-मेलमधून दिसून येत आहे. मोदींच्या जीवाला धोका असल्याचे ई-मेलमधील माहितीतून स्पष्ट होत आहे. त्यामुळेच सुरक्षा यंत्रणांनी यासंदर्भात केंद्रीय गृहमंत्रालयाला माहिती दिली आहे. या धमकीच्या पार्श्वभूमीवर पंतप्रधानांच्या सुरक्षेमध्ये वाढ करण्यात आली आहे. या ई-मेलसंदर्भात एनआयएने कोणतीही चौकशी अद्याप केलेली नसून सर्वात आधी यासंदर्भात केंद्रीय गृहमंत्रालयाला कळवण्यात आलं आहे.

आणखी वाचा- जम्मू काश्मीरमधील दहशतवादावर नरेंद्र मोदींचं वक्तव्य, म्हणाले…

ई-मेलमध्ये काय

टाइम्स नाऊने दिलेल्या वृत्तानुसार हा ई-मेल ylalwani12345@gmail.com या ई-मेल आयडीवरुन मुंबईतील एनआयच्या ई-मेलआयडीवर पाठवण्यात आला आहे. हा ई-मेल आठ ऑगस्ट रोजी रात्री १ वाजून २६ मिनिटांनी पाठवण्यात आला आहे. या ई-मेलमध्ये Kill Narendra Modi  असा तीन शब्दांचा मजकूर आहे. या प्रकरणामध्ये केंद्रीय गृहमंत्रालयाने पंतप्रधान नरेंद्र मोदींच्या सुरक्षेसाठी जबाबदार असणाऱ्या स्पेशल प्रोटेक्शन ग्रुपला माहिती दिली आहे.

आणखी वाचा- समाजकार्यासाठी मोदींनी दान केले १०३ कोटी रुपये

देशाबाहेरुन आला ई-मेल

या प्रकरणासंदर्भातील माहिती एनआयएने गृहमंत्रालयाबरोबर इतर सुरक्षा यंत्रणांसोबतही शेअऱ केली आहे. मल्टी एजन्सी कॉर्डिनेश सेंटरला यासंदर्भातील माहिती देण्यात आली असून या टीममध्ये रॉ म्हणजेच भारताची गुप्तचर विभाग, इंटेलिजन्स ब्युरो, सुरक्षेसंदर्भातील इंटेलिजन्स यंत्रणांमधील अधिकाऱ्यांचा समावेश असून याबद्दलचा तपास सुरु करण्यात आला असल्याचे समजते. हा ई-मेल भारताच्या बाहेरुन पाठवण्यात आला असल्याचेही प्राथमिक माहितीमध्ये स्पष्ट झालं आहे.