विवेक रामास्वामी आणि निक्की हॅली यांच्यात खडाजंगी! “माझ्या कुटुंबाला यात खेचू नका, आधी…” कुणी दिला इशारा?

नेमकं हे प्रकरण काय?

निक्की हॅली आणि विवेक रामास्वामी हे एका ‘डिबेट शो’ मध्ये सहभागी झाले होते. तिथे विवेक रामास्वामी यांनी निक्की हॅली यांच्यावर विविध प्रकारचे आरोप केले. त्यांच्या गर्भपाताचा मुद्दाही उपस्थित केला. तसंच त्यांच्या कुटुंबावरही आरोप केले. ज्यानंतर निक्की हॅली चांगल्याच संतापल्या. एवढंच नाही तर विवेक रामास्वामी यांच्या त्यांच्या हाय हिल्सवरही टीका केली. त्यावर निक्की हॅली चांगल्याच चिडल्या आणि म्हणाल्या माझ्या कुटुंबाला या वादात खेचाल तर खबरदार आणि हो मी हाय हिल्स घालते ते फॅशन म्हणून नाही. मला ते ताकद देतात म्हणून मी घालते जो माझा व्यक्तीगत प्रश्न आहे.

कशावरुन रंगली खडाजंगी?

विवेक रामास्वामी आणि निक्की हॅली यांच्यात चीनकडे ज्यांची मालकी आहे अशा अॅपवर बंदी घालण्याच्या प्रश्नावरुन चांगलाच वाद पाहण्यास मिळाला. जेव्हा टिकटॉकचा उल्लेख करत निक्की हॅली यांच्या मुलीवर विवेक रामास्वामी यांनी टीका केली त्यावर त्या म्हणाल्या की मागच्याही वेळी अशाच प्रकारे यांनी माझ्या कुटुंबावर आरोप केले होते. मात्र तुमची मुलगीही हे अॅप वापरत होती हे विसरु नका. माझ्या कुटुंबावर घसरण्याआधी जर स्वतःच्या कुटुंबात काय चाललं आहे ते नीट बघा असाही सल्ला त्यांनी रामास्वामी यांना दिला.