Good news: मागच्या १४ दिवसात ७८ जिल्ह्यांमध्ये करोनाचा एकही नवा रुग्ण नाही

देश दुहेरी संकटाचा सामना करत असताना एका दिलासा देणारी बातमी समोर आली आहे.

सध्या करोना व्हायरसमुळे संपूर्ण देश चिंतेमध्ये आहे. एकाबाजूला करोनाची लागण झालेल्या रुग्णांची वाढती संख्या तर दुसऱ्याबाजूला अर्थव्यवस्था ठप्प असल्याने रोजगाराची चिंता. देश अशा दुहेरी संकटाचा सामना करत असताना एका दिलासा देणारी बातमी समोर आली आहे.

मागच्या २८ दिवसात देशातील १२ जिल्ह्यांमध्ये करोना व्हायरसचा एकही नवा रुग्ण आढळलेला नाही. मागच्या १४ दिवसात देशातील एकूण ७८ जिल्ह्यांमध्ये एकाही व्यक्तीला करोना व्हायरसची लागण झालेली नाही. आरोग्य मंत्रालयाकडून गुरुवारी ही माहिती देण्यात आली.

दरम्यान देशातील वेगवेगळया राज्यांमध्ये मोठया प्रमाणावर करोनाच्या चाचण्या सुरु आहेत. त्यामुळे नेमकी किती लोकांना करोनाची लागण झाली आहे ते समोर येत आहे. मागच्या २४ तासात देशात १४०९ नागरिकांचे करोना चाचणीचे रिपोर्ट पॉझिटिव्ह आले आहेत. सध्याच्या घडीला देशात एकूण २१,३९३ करोनाग्रस्त रुग्ण आहेत. आरोग्य मंत्रालयचे सहसचिव लव अग्रवाल यांनी ही माहिती दिली. अमेरिका आणि युरोपियन देशांच्या तुलनेत भारतात करोना बाधितांची संख्या कमी आहे. भारताने वेळीच उपायोजना केल्यामुळे हे शक्य झाले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Now 78 districts not reported any fresh cases during the last 14 days dmp

ताज्या बातम्या