पाकिस्तानी पत्रकाराची केनियामध्ये गोळ्या झाडून हत्या, पत्नीने दिला दुजोरा, म्हणाली "ब्रेकिंग न्यूजच्या नावाखाली..." | Pakistani journalist Arshad Sharif shot dead in Kenya sgy 87

अर्शद शरीफ यांनी हत्येच्या भीतीपोटी पाकिस्तान सोडून दुबईत केलं होतं वास्तव्य

Pakistani journalist Arshad Sharif shot dead

पाकिस्तानी पत्रकार अर्शद शरीफ यांची केनियामध्ये गोळ्या झाडून हत्या करण्यात आली आहे. पोलीस चकमकीत त्यांचा मृत्यू झाल्याचं सांगितलं जात आहे. त्यांच्या पत्नीने या वृत्ताला दुजोरा दिला आहे. “कृपया आमच्या कुटुंबाच्या गोपनीयतेचा आदर करा. ब्रेकिंग न्यूजच्या नावाखाली आमच्या कुटुंबाचे फोटो, खासगी माहिती आणि रुग्णालयतील अखेरचे फोटो दाखवू नका,” अशी विनंती त्यांनी केली आहे.

“मी माझा मित्र, पती आणि आवडत्या पत्रकाराला आज गमावलं आहे. पोलिसांनी दिलेल्या माहितीनुसार, केनियामध्ये त्यांच्यावर गोळी झाडण्यात आली,” असं ट्वीट अर्शद शरीफ यांची पत्नी झवेरिया सिद्दिकी यांनी केलं आहे.

I lost friend, husband and my favourite journalist @arsched today, as per police he was shot in Kenya.
Respect our privacy and in the name of breaking pls don't share our family pics, personal details and his last pictures from hospital.
Remember us in ur prayers. pic.twitter.com/wP1BJxqP5e
— Javeria Siddique (@javerias) October 24, 2022

अर्शद शरीफ यांना हत्येची भीती असल्याने पाकिस्तान सोडून दुबईत वास्तव्य केलं होतं. त्यांच्या काही जवळच्या मित्रांनी दिलेल्या माहितीनुसार, पाळत ठेवली जात असल्याचा संशय आल्याने त्यांनी दुबईही सोडली होती. अफगाणिस्तानच्या हल्लेखोरांनी त्यांच्या हत्येचा कट रचल्याची माहिती आहे.

नैरोबी येथील बाहेरच्या भागात शरीफ यांची हत्या करण्यात आली. दरम्यान, केनियामधील पाकिस्तान उच्चायुक्तालय अद्याप यासंबंधी अधिक माहिती घेत आहे.

पाकिस्तानचे पंतप्रधान शाहबाज शरीफ यांनी अर्शद यांच्या मृत्यूवर शोक व्यक्त केला आहे. आपल्याला धक्का बसला असल्याचं त्यांनी ट्वीटमध्ये म्हटलं आहे.

I am deeply saddened by the shocking news of journalist Arshad Sharif's tragic death. May Allah SWT grant him a place in Heaven. My deep condolences and prayers for the bereaved family.
— Shehbaz Sharif (@CMShehbaz) October 24, 2022

पाकिस्तानचे माजी पंतप्रधान इम्रान खान यांनीही शोक व्यक्त केला आहे. “सत्य बोलण्याची किंमत अर्शद यांना मोजावी लागली असून, त्यांच्या निर्दयी हत्येमुळे मला धक्का बसला आहे,” असं ते म्हणाले आहेत.

This quiz is AI-generated and for edutainment purposes only.

Shocked at the brutal murder of Arshad Sharif who paid the ultimate price for speaking the truth – his life. He had to leave the country & be in hiding abroad but he continued to speak the truth on social media, exposing the powerful. Today the entire nation mourns his death.
— Imran Khan (@ImranKhanPTI) October 24, 2022

मार्च 2019 मध्ये शरीफ यांना पाकिस्तानचे राष्ट्रपती आरिफ अल्वी यांनी ‘प्राइड ऑफ परफॉर्मन्स’ने सन्मानित केलं होतं.

First published on: 24-10-2022 at 16:37 IST

Web Title: Pakistani journalist arshad sharif shot dead in kenya sgy