‘महात्मा गांधी, जवाहरलाल नेहरू, बाबासाहेब आंबेडकर अनिवासी भारतीय’

WATCH: Congress VP Rahul Gandhi’s full address to the Indian National Overseas Congress in New York. #RGinUShttps://t.co/gKflzLh0cO

— Congress (@INCIndia) September 21, 2017

एवढेच नाही या सगळ्या नेत्यांनंतरही अनेक अशी अनिवासी भारतीय माणसे आहेत जे एनआरआय होते, मात्र देशाच्या उभारणीत त्यांनी मोलाचे सहकार्य केले. अनिवासी भारतीय खूप हुशार असतात त्यांच्याकडे अलौकिक प्रतिभा असते. ‘मिल्कमॅन’ अशी ख्याती असलेले मिस्टर कुरियन हे अनिवासी होते, सॅम पित्रोडा यांच्या रूपाने दुसरे उदाहरण दिले जाऊ शकते. अशी कितीतरी उदाहरणे देता येतील ज्यांनी भारताला प्रगतीपथावर नेले. भाजपला असे वाटते की देशात काहीही घडले नाही. मात्र हे सत्य नाही असेही राहुल गांधी यांनी म्हटले.

If India has to produce millions of jobs it has to be done by empowering small & medium businesses and entrepreneurs

— Office of RG (@OfficeOfRG) September 21, 2017

लघू आणि मध्यम स्वरूपाचे उद्योग जर भारतात सशक्त झाले तर नोकरीच्या लाखो संधी तयार होतील. मात्र सध्या देशातील वातावरण बरे नाही. सहिष्णुता हरवली आहे. अनेक लोक यामुळे चिंताग्रस्त झालेत. भारत असहिष्णू देश का झाला हा जगातील अनेक अनिवासी भारतीयांना पडलेला प्रश्न आहे असेही राहुल गांधींनी स्पष्ट केले. राहुल गांधी यांनी ही भूमिका मांडल्यावर भाजपने त्यांच्यावर निशाणा साधला आहे. राहुल गांधी यांच्या या वक्तव्याला अर्थ नसल्याचे भाजप प्रवक्ते राम माधव यांनी म्हटले.