मोदींच्या शपथविधीचा खर्च १७.६० लाख!

लोकसभा निवडणुकीत ऐतिहासिक विजय प्राप्त केल्यानंतर, दिल्ली येथील राष्ट्रपती भवनाच्या प्रांगणात मोठ्या थाटात नरेंद्र मोदी पंतप्रधानपदी विराजमान झाले.

लोकसभा निवडणुकीत ऐतिहासिक विजय प्राप्त केल्यानंतर, दिल्ली येथील राष्ट्रपती भवनाच्या प्रांगणात मोठ्या थाटात नरेंद्र मोदी पंतप्रधानपदी विराजमान झाले. मोदींच्या या शपथविधी सोहळ्यावर तब्बल १७.६० लाख रूपयांचा खर्च झाल्याची माहिती अधिकारांतर्गत  स्पष्ट झाले आहे. या सोहळ्याला अनेक देशांचे राष्ट्रप्रमुख आणि प्रतिनिधी मिळून ४०१७ पाहुणे उपस्थित होते. या पाहुण्यांच्या सरबराईसाठीच्या सुविधा, शपथ घेण्यासाठी उभारण्यात आलेले व्यासपीठ, फर्निचर अशा सर्व गोष्टींवर मिळून १७.६० लाख रूपये खर्च करण्यात आल्याची माहिती राष्ट्रपती सचिवालयातर्फे देण्यात आली आहे. माहिती अधिकार कार्यकर्ते रमेश वर्मा यांनी माहिती अधिकारातंर्गत शपथविधी सोहळ्यातील प्रत्येक खर्चाचे तपशीलवार विवरण मिळविण्यासाठी अर्ज केला होता. मात्र, राष्ट्रपती सचिवालयातर्फे याबद्दलची तपशीलवार माहिती दिली नसली तरी, संबंधित खर्चासाठी वार्षिक अर्थसंकल्पात तरतूद करण्यात आल्याचे सांगण्यात आले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Rs 17 60 lakh were spent on modis oath taking ceremony reveals rti

ताज्या बातम्या