धक्कादायक! होणाऱ्या पतीला खोलीबाहेर बेदम मारलं अन् खोलीत तरुणीवर सामूहिक बलात्कार; घृणास्पद कृत्य कुठे घडलं?

१० एप्रिल रोजी हाजरा कॅनाल येथे पीडित तरुणी तिच्या होणाऱ्या पतीबरोबर फिरायला गेली होती. पण तिथे काही नराधमांनी तिच्या होणाऱ्या पतीला बेदम मारहाण केली आणि तिला खेचत एका खोलीत नेलं. खोलीबाहेर तिच्या होणाऱ्या पतीला बेदम मारहाण सुरू असताना खोलीमध्ये पीडित तरुणीवर लैंगिक अत्याचार सुरू होते. सहा आरोपींनी आळीपाळीने या पीडित तरुणीवर बलात्कार केला, अशी माहिती पोलिसांनी दिली.

या दुर्दैवी घटनेनंतर पीडित तरुणीची अवस्था नाजूक झाली. त्यानंतर ती घरी परतली. घरी परतल्यानंतर तिने यासंदर्भात पोलिसांत तक्रार दाखल केली. तिची तक्रार प्राप्त झाल्यानंतर पोलिसांनी पाच जणांना तत्काळ अटक केली आणि एका आरोपीचा शोध पोलीस घेत आहेत. अधिक माहितीसाठीही पोलिसांनी चौकशी सुरू केली आहे.