नवी दिल्लीत गुरुवारी भाजपाच्या मुख्यालयात पत्रकार परिषद सुरु असताना एका व्यक्तीने भाजपा नेते जीव्हीएल नरसिम्हा राव यांच्या दिशेने चप्पल फेकली. सुदैवाने नरसिम्हा राव थोडक्यात बचावले. भोपाळमधून साध्वी प्रज्ञा सिंह ठाकूर यांना उमेदवारी दिल्यासंदर्भात या पत्रकार परिषदेचे आयोजन करण्यात आले होते. त्यावेळी ही घटना घडली. #WATCH Delhi: Shoe hurled at BJP MP GVL Narasimha Rao during a press conference at BJP HQs .More details awaited pic.twitter.com/7WKBWbGL3r — ANI (@ANI) April 18, 2019 ज्या व्यक्तीने चप्पल फेकली त्याला लगेच तिथे असलेल्या अन्य लोकांनी पकडले व बाहेर घेऊन गेले. चप्पल फेकणारी व्यक्ती कानपूरची असल्याची माहिती मिळत आहे. चप्पल फेकणारा माणूस हॉलमध्ये सर्वात पुढे बसला होता. आरोपीचे नाव गोपाल भार्गव असल्याची माहिती मिळत आहे. पोलिसांनी त्याला ताब्यात घेतले असून त्याची चौकशी सुरु आहे. नेत्यांवर पत्रकार परिषदेत बूट किंवा चप्पल फेकण्याची ही पहिली वेळ नाही. याआधी सुद्धा अशा घटना घडल्या आहेत.
