करोनाबाधितांची संख्या २९ लाखांच्या पुढे; चोवीस तासात आढळले ६८,८९८ नवे रुग्ण

चोवीस तासांत ९ लाखांहून अधिक नमुन्यांची चाचणी

प्रतिकात्मक छायाचित्र

देशात करोनाबाधितांच्या प्रमाणात सातत्याने दुसऱ्या दिवशी वाढ झालेली पहायला मिळली. त्यानुसार, शुक्रवारी करोनाची ६८,८९८ नवी प्रकरणं समोर आली. तर बाधित रुग्णांची संख्या २९ लाखांच्या पार पोहोचली. मात्र, यात दिलासादायक बाब म्हणजे, बाधित रुग्ण बरे झाल्याची संख्या सुमारे २१ लाखांवर पोहोचली असून तपासण्यांमध्येही वाढ झाली आहे.

शुक्रवारी सकाळच्या अद्ययावर माहितीनुसार, गेल्या २४ तासांत ९८३ रुग्णांचा मृत्यू झाल्याने मृतांची संख्या वाढून ५४,८४९ झाली आहे. त्यामुळे देशातील बाधितांची संख्या वाढून २९,०५,८२४ झाली आहे. यांपैकी ६,९२,०२८ लोकांवर उपचार सुरु आहेत. तसेच २१,५८,९४७ रुग्ण उपचारांनंतर बरे झाले आहेत. संसर्गाच्या एकूण प्रकरणांमध्ये परदेशी नागरिकांचाही समावेश आहे.

चोवीस तासांत ९ लाखांहून अधिक नमुन्यांची चाचणी

आयसीएमआरने जाहीर केलेल्या आकडेवारीनुसार, देशभरात २० ऑगस्टपर्यंत एकूण ३ कोटी ३४ लाख ६७ हजार २३७ करोना चाचण्या करण्यात आल्या आहेत. ज्यांपैकी गुरुवारी एका दिवसांत ९,१८,४७० नमुन्यांच्या चाचण्या करण्यात आल्या. यामध्ये पॉझिटिव्हिटीचा दर आठ टक्क्यांपेक्षा कमी आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Spike of 68898 cases and 983 deaths reported in india in the last 24 hours aau aau