करोनाची लागण झालेल्या एका संशयिताने दिल्लीतील रुग्णालयाच्या तिसऱ्या मजल्यावरून उडी मारून आत्महत्या करण्याचा प्रयत्न केल्याचे पोलिसांनी रविवारी सांगितले. या संशयिताला ३१ मार्च रोजी लोकनायक जयप्रकाश नारायण रुग्णालयात दाखल करण्यात आले होते. शनिवारी रात्री त्याने रुग्णालयाच्या तिसऱ्या मजल्यावरून उडी मारली. प्रथम तो पत्र्याच्या छतावर पडला आणि त्यानंतर जमिनीवर पडला, त्यामध्ये त्याचा पाय मोडला, असे पोलिसांनी सांगितले.या व्यक्तीची प्रकृती सध्या स्थिर असून त्याच्या करोना चाचणीचा अहवाल अद्याप प्रलंबित आहे, असे डॉक्टरांनी सांगितले.
