वारंगल कारागृहातून हैदराबाद न्यायालयात नेताना पलायन करण्याचा प्रयत्न केल्याने पोलिसांनी केलेल्या गोळीबारात सिमीचे पाच कार्यकर्ते ठार झाले. तेलंगणाजवळील जनागाव येथे आरोपींनी पळून जाण्याचा प्रयत्न केला.
ठार झालेल्या आरोपींमध्ये हैदराबाद पोलिसांवर गोळीबार करणारा सिमीचा कार्यकर्ता विकरूद्दीनचाही समावेश आहे. याव्यतिरिक्त पोलिसांवर गोळाबार करण्यात आल्याच्या आरोपाखाली अटक करण्यात आलेल्या सुलेमान, झकीर, आझाद आणि असिफ या सिमीच्या इतर चार संशयित कार्यकर्त्यांचा समावेश आहे. यापैकी विकरूद्दीनचा पाकिस्तानच्या ‘आयएसआय’शी जवळचा संबंध होता, अशी माहिती पोलिसांनी दिली.