scorecardresearch

Premium

“…हा ओबीसी समाजाचा अपमान आहे”, थेट आकडेवारी सादर करत राहुल गांधींचा मोदी सरकारवर हल्लाबोल

काँग्रेस खासदार राहुल गांधी यांनी आकडेवारी सादर करत मोदी सरकारवर हल्लाबोल केला आहे.

rahul gandhi in loksabha
काँग्रेसचे खासदार राहुल गांधी (फोटो-संसद टीव्ही)

पंतप्रधान नरेंद्र मोदी यांनी मंगळवारी लोकसभेत महिला आरक्षण विधेयक मांडलं. या विधेयकावर आज लोकसभेत चर्चा केली जात आहे. दरम्यान, सत्ताधारी आणि विरोधी पक्षातील नेत्यांकडून आपापली भूमिका मांडली जात आहे. यावेळी काँग्रेसचे खासदार राहुल गांधी यांनीही महिला आरक्षण विधेयकावर आपली भूमिका स्पष्ट केली. महिला आरक्षण विधेयक लवकरात लवकर मंजूर करून ते लागू करावं, अशी मागणी राहुल गांधींनी केली.

ओबीसी समाजाची देशातील सत्तेत असलेल्या अल्प भागीदारीवरून राहुल गांधींनी मोदी सरकारवर हल्लाबोल केला. लोकसभेत राहुल गांधी म्हणाले, “भारतात एकूण ९० सचिव आहेत. जे भारताचं सरकार चालवतात आणि अर्थसंकल्प नियंत्रित करतात. त्यामध्ये ओबीसी समुदायाचे लोक किती आहेत? असा प्रश्न मी विचारला. यावर मीच उत्तर देऊ इच्छितो, भारतातील ९० पैकी केवळ ३ सचिव ओबीसी समुदायाचे आहेत. हे ओबीसी सचिव भारताचा केवळ पाच टक्के अर्थसंकल्प नियंत्रित करतात. म्हणजे भारताचा अर्थसंकल्प ४४ लाख कोटींचा असेल तर केवळ २.४७ लाख कोटी म्हणजेच ५ टक्के अर्थसंकल्प यांच्या नियंत्रणात आहे.”

AMit Shah
महिला आरक्षण विधेयकात ओबीसींचा समावेश होणार? अमित शाहांनी स्पष्ट केली सरकारची भूमिका
Sonia Gandhi
“माझे पती राजीव गांधी यांनी…”, महिला आरक्षण विधेयकावरील सोनिया गांधींचं संसदेतलं भाषण चर्चेत
Congress Criticized PM Narendra Modi
‘महिला आरक्षण बिलाची क्रोनोलॉजी समजून घ्या..’, म्हणत काँग्रेसची मोदी सरकारवर टीका
Protest against pm modi Jalgaon
पंतप्रधान मोदी यांचा पकोडे तळून निषेध, जळगावात युवक काँग्रेसतर्फे अनोखे आंदोलन

हेही वाचा- “बहिणीचं कल्याण व्हावं, असं वाटणारा भाऊ प्रत्येकाच्या नशिबात नसतो”, सुप्रिया सुळेंचं संसदेत विधान

“ही चर्चा भारतातील लोकांकडे सत्ता हस्तांतरित करण्याबाबत आहे. यामध्ये महिला एक घटक आहे आणि ओबीसी समुदाय हा दुसरा घटक आहे. देशात मोठ्या प्रमाणात ओबीसी समुदाय असूनही देशातील ९० सचिवांमध्ये केवळ ३ सचिव ओबीसी समुदायाचे आहेत. ते भारताच्या केवळ पाच टक्के अर्थसंकल्प नियंत्रित करतात. ही एक लाजिरवाणी बाब असून हा ओबीसी समुदायाचा अपमान आहे,” अशा शब्दांत राहुल गांधींनी मोदी सरकारवर हल्लाबोल केला.

हेही वाचा- Video: असदुद्दीन ओवेसींचा महिला आरक्षण विधेयकाला विरोध; कारण देत म्हणाले, “मुस्लीम महिलांना दुहेरी…”!

“या देशात किती टक्के ओबीसी समुदाय आहे? किती दलित आहेत? किती आदिवासी आहेत? या प्रश्नांची उत्तरं केवळ जातीय जनगणनेतूनच मिळू शकतात, याबाबतचा तपशील लवकरात लवकर जाहीर करावा”, अशी मागणीही राहुल गांधींनी यावेळी केली.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: This insult of obc community rahul gandhi on modi govt in loksabha rmm

First published on: 20-09-2023 at 18:56 IST

संबंधित बातम्या

मराठी कथा ×