ममता बॅनर्जींनी राष्ट्रपतींना भेट दिलेल्या त्या पेटींगची ट्विटरवर खिल्ली

राष्ट्रपती रामनाथ कोविंद मागच्या मंगळवारी पश्चिम बंगालच्या दौऱ्यावर गेले होते. यावेळी विमानतळावर राज्यपाल केसरीनाथ त्रिपाठी आणि राज्यमंत्री सुब्रत मुखर्जी यांनी कोविंद यांचे स्वागत केले. यावेळी ममता बॅनर्जी यांनीही कोविंद यांचे स्वागत करत त्यांना एक पेंटींग भेट म्हणून दिले. विशेष म्हणजे हे पेंटींग ममता दीदींनी स्वत: काढले होते. राष्ट्रपतींना हे पेंटींग खूप आवडले. त्याबद्दल त्यांनी ममता बॅनर्जी यांचे विशेष आभारही मानले. हे पेंटींग कायम आपल्याजवळ राहील तसेच ते राष्ट्रपती भवनात लावण्यात येईल असे आश्वासनही त्यांनी दिले. आता ममता बॅनर्जींचे खुद्द राष्ट्रपतींकडून इतके कौतुक करण्यात आले असले तरीही सोशल मीडियावर हे पेंटींग्ज ट्रोल होत आहेत.