Operation Akhal Updates: जम्मू-काश्मीरमधील कुलगाममध्ये ऑपरेशन अखलदरम्यान दोन जवान शहीद झाले आहेत, तर एका दहशतवाद्याचा खात्मा करण्यात आला आहे. गेल्या काही दिवसांपासून कुलगाममध्ये सुरक्षा दल आणि दहशतवाद्यांमध्ये चकमक सुरू आहे. मात्र शनिवारी सकाळी चकमक तीव्र झाली आणि जोरदार गोळीबार झाला.
आतापर्यंत मिळालेल्या माहितीनुसार, यामध्ये १० सुरक्षा कर्मचारी जखमी झाले आहेत, तर दोन जवान शहीद झाले आहेत. सुरक्षा दल आणि दहशतवाद्यांमध्ये अद्याप चकमक सुरू आहे. सुरक्षा दलांनी दहशतवाद्यांना सर्व बाजूंनी घेरले आहे. असे सांगितले जात आहे की, या भागात अनेक दहशतवादी लपलेले असू शकतात आणि त्यांचा शोध सुरू आहे.
जम्मू-काश्मीरमधील कुलगाममध्ये गेल्या अनेक दिवसांपासून लष्कर आणि दहशतवाद्यांमध्ये चकमक सुरू आहे. ऑपरेशन महादेवद्वारे सुरक्षा दलांनी पहलगाम दहशतवादी हल्ल्यांतील गुन्हेगारांना ठार केल्यापासून, दहशतवादी संतप्त झाले असून, त्यांच्याकडून सतत कट रचले जात आहेत.
आता या भागात, कुलगाममध्ये ही मोठी चकमक झाली आहे. यामध्ये आतापर्यंत सुरक्षा दलांचे दोन जवान शहीद झाल्याचे वृत्त आहे. सुरक्षा दल दहशतवाद्यांना चोख प्रत्युत्तर देत आहेत. दहशतवादी घनदाट जंगलांचा पुरेपूर फायदा घेत आहेत, असे सांगितले जात आहे की सध्या किमान तीन दहशतवादी लपले आहेत. त्या दहशतवाद्यांना शोधण्यासाठी सुरक्षा दल शोध मोहीम राबवत आहेत.
ऑपरेशन महादेवनंतर या परिसरात तणाव वाढला आहे. कुलगाममध्ये, जिथे ही चकमक झाली, तेथे सुरक्षा दल गेल्या नऊ दिवसांपासून ऑपरेशन अखल राबवत आहेत. यापूर्वी, या भागात अनेक दहशतवादी लपले असल्याची माहिती मिळाली होती, त्यांचा खात्मा करण्यासाठी, सैन्य आणि जम्मू-काश्मीर पोलीस कर्मचाऱ्यांनी संयुक्तपणे ऑपरेशन राबवले असून, आतापर्यंत अनेक दहशतवाद्यांना ठार मारले आहे.
